NJSun Daily News

---

Tuesday November 19, 2024

இஸ்ரேல் தாக்குதலில் லெபனானில்  இரண்டு மாதங்களில் 200  குழந்தைகள் பலி 

கடந்த செப்டம்பர் மாதம் முதல் லெபனான் மீது இஸ்ரேல் நடத்தி வரும் தாக்குதல்களில்,  இரண்டு மாதங்களில்  200க்கும் அதிகமான குழந்தைகள் கொல்லப்பட்டதாக ஐ.நா.யுனிசெப் செய்தித் தொடர்பாளர் ஜேம்ஸ் எல்டர் தெவித்துள்ளார். இஸ்ரேலின் இந்தத் தாக்குதல்களில் இரண்டு மாதங்களில் லெபனானில் 1100 க்கும்  அதிகமான குழந்தைகள் காயமடைந்துள்ளனர் என்றும் அவர் தெரிவித்துள்ளார். 

Wednesday  October 5, 2024

அமெரிக்க அதிபர் தேர்தலில் டொனால்ட் டிரம்ப் வெற்றி 

நடந்து முடிந்த அமெரிக்க அதிபர் தேர்தலில் கருத்துக் கணிப்புக்களை பொய்யாகி  டொனால்ட் டிரம்ப் வெற்றி பெற்றுள்ளார். மொத்தமுள்ள 538  தொகுதிகளில் டிரம்ப் 277  தொகுதிகளிலும் கமலா ஹாரிஸ் 226 தொகுதிகளிலும் வெற்றி பெற்றனர். பெரும்பானமைக்குத் தேவை 270  தொகுதிகள் என்ற நிலையில் டிரம்ப் 277  தொகுதிகளில் வெற்றி பெற்று    பெரும்பான்மையைக் கடந்து அமெரிக்காவின் 47வது   ஜனாதிபதியாகப்  பதவியேற்க உள்ளார். இதை அடுத்து பிளோரிடா வெஸ்ட் பால்ம் பீச்சில் தனது ஆதரவாளர்கள் மத்தியில் வெற்றி உரை ஆற்றினார். 

Tuesday October 29, 2024

இந்தியா நியூசிலாந்து  மகளிர் ஒரு நாள் கிரிக்கெட் - தொடரை வென்ற இந்திய அணி 

இந்தியாவில் சுற்றுப்பயணம் மேற்கொண்டிருக்கும் நியூசிலாந்து மகளிர் கிரிக்கெட் அணி மூன்று போட்டிகள் கொண்ட ஒருநாள் தொடரில் விளையாடி வருகிறது. இதில் முதல் ஆட்டத்தில் இந்திய அணியும் , இரண்டாவது ஆட்டத்தில் நியூசிலாந்து அணியும்  வெற்றி பெற்றிருந்தன. மூன்றாவது ஒரு நாள் போட்டி 29 ம்  தேதி அஹமதாபாத்தில் நடை பெற்றது. இதில் முதலில் விளையாடிய நியூசிலாந்து மகளிர் அணி 232  ரன்கள் எடுத்து ஆல்அவுட் ஆனது. 233  ரன்கள் இலக்குடன் அடுத்து விளையாடிய இந்திய மகளிர் அணி  44 .2 ஓவரகளில் 4விக்கெட் இழப்பிற்கு 236  ரன்கள் எடுத்து வெற்றி  பெற்றது .இதன் மூலம் இரண்டுக்கு  ஓன்று என்ற கணக்கில்  இந்திய  மகளிர் அணி தொடரைக் கைப்பற்றியது .

Monday October 28, 2024

உஸ்பெக்கிஸ்தான்  பார்லிமென்ட் தேர்தலில் ஆளும் கட்சி வெற்றி 

உஸ்பெக்கிஸ்தான்   நாட்டு பார்லிமென்ட்  கலைக்கப் பட்டு அங்கு  27 ம்  தேதி ஞாற்றுக்கிழமை தேர்தல் நடை பெற்றது. இதில் ஆளும் கட்சியான லிபெரல் ஜனநாயகக் கட்சி வெற்றி பெற்றது.  தொழில் பிரச்சனைகள், சுற்றுச் சூழல் பிரச்சனைகள் இருந்தபோதிலும் அதிபர் ஷவ்கத் 

மிர்சியோயேவுக்கு  (Shavkat Mirziyoyev )தேர்தலில் மக்கள் வாக்களித்துள்ளனர். 

Sunday October 27,2024

உலகின் மிகப் பெரிய கட்டிடம் கட்டும் சவுதி  அரேபியா 

சவுதி  அரேபியாவில் $5  பில்லியன்  மதிப்பில் உலகின் மிகப் பெரிய கட்டிடம் கட்டும் பணி தொடங்கப் பட்டுள்ளது. முஹாப் என்னும் இந்தத் திட்டம் தலைநகர் ரியாத்தில் அமைய உள்ள உலகின் மிகப் பெரிய கட்டிடமாக இருக்கும். இந்தக் கட்டிடம்  2 .5  கோடி சதுர கிலோ மீட்டர்  பரப்பளவு கொண்டதாகவும், இதில் 104000  குடியிருப்புக்கள், 9000   விடுதி  அறைகள் அமைய உள்ளதாகவும்   அருங்காட்சியகம், பல்கலைக் கழகம், தியேட்டர், மற்றும் 80க்கும் மேற்பட்ட பொழுதுபோக்கு மையங்கள் அமையவிருப்பதாகவும் கூறப்படுகிறது. இதன் கட்டுமானப் பணிகள் 2030 ம்  ஆண்டிற்குள் முடிவடையும் என எதிர்பார்க்கப் படுகிறது. இது தொடர்பான காணொளியை சவுதி அரேபிய அரசு வெளியிட்டுள்ளது 

Saturday  October 26, 2024

இந்தியா நியூசிலாந்து  அணி டெஸ்ட் போட்டி  - தொடரைக்  கைப்பற்றியது நியூசிலாந்து அணி

இந்தியா நியூசிலாந்து  அணிகளுக்கு இடையிலான 3  டெஸ்ட்தொடரில், முதல் டெஸ்ட் போட்டியில் வெற்றி பெற்ற நியூசிலாந்து  அணி, புனேயில் நடந்த இரண்டாவது டெஸ்ட் போட்டியில் 113 ரன்கள் வித்தியாசத்தில் வெற்றி பெற்றது. இதையடுத்து  3 போட்டிகள்  கொண்ட தொடரை இரண்டுக்குப்  பூஜ்யம் என்ற கணக்கில் நியூசிலாந்து  அணி கைப்பற்றியது. 

Friday October 25, 2024

அமெரிக்க அதிபர் தேர்தலில் கருத்துக் கணிப்பில் டிரம்ப் முன்னிலை 

வரும் நவம்பர் 5 ம்  தேதி நடக்கவுள்ள அமெரிக்கத் தேர்தல் குறித்து வால் ஸ்ட்ரீட் பத்திரிகை (The Wall Street Journal) வெளியிட்டுள்ள கருத்துக் கணிப்பில் முன்னாள் அதிபர் டொனல்டு டிரம்ப் 47% வாக்குகள் பெற வாய்ப்புள்ளதாகவும், கமலா  ஹாரிஸ் 45%  சதவீத வாக்குகள் பெற வாய்ப்புள்ளதாகவும், மேலும் CNBC நடத்தியக் கருத்துக் கணிப்பில்  டிரம்ப்  48 % சதவீத வாக்குகளும், கமலா ஹாரிஸ் 46%  சதவீத வாக்குகளும் பெற வாய்ப்புள்ளதாகவும்   தெரிவிக்கப்பட்டுள்ளது .

Thursday October 24, 2024

எல்லைகளைக் கடந்து அமைதி தேவை ஐ.நா. பொதுச் செயலாளர் வலியுறுத்தல் 

ரஷ்யாவின்  கஸான்    நகரில் கடந்த 22  மற்றும் 23 ம்  தேதிகளில் பிரிக்ஸ் உச்சி மாநாடு நடைபெற்றது. இந்நிலையில் எல்லைகளைக் கடந்து அமைதி தேவை என ஐக்கிய நாடுகளின் பொதுச் செயலாளர் அன்டோனியோ குட்டேரஸ் பிரிக்ஸ் மாநாட்டில் பங்குபெற்ற  தலைவர்களிடம் வலியுறுத்தி உள்ளார்.  உடனடி போர் நிறுத்தத்தின் மூலம் காசா எல்லைகளில் அமைதியை நிலை நிறுத்த வேண்டும் என்றும் , இது போன்று உக்ரேனிலும் ,லெபனானிலும் அமைதி திரும்ப வேண்டும் என்றும், பாதுகாப்புக்   கவுன்சிலின் தீர்மானம்  1701ஐ  அமல் படுத்துவதை நோக்கி நாம் நகர வேண்டும் என்றும் அன்டோனியோ கேட்டுக்கொண்டுள்ளார். 

Wednesday  October 23, 2024

டானா புயல் காரணமாக 150க்குக்கும்   மேற்பட்ட ரயில்கள் ரத்து

மத்திய கிழக்கு வங்கக் கடல் அதையொட்டிய வடக்கு அந்தமான் கடல் பகுதிகளில் நிலவிய காற்றழுத்தத் தாழ்வுப் பகுதி ஆழ்ந்த காற்றழுத்தத்  தாழ்வுப் பகுதியாக வலுப்பெற்று 23  ம் தேதி புதன் கிழமை அதிகாலை 5 .30  மணிக்குப்  புயலாக வலுப்பெற்றது.  டானா புயல்  எனப் பெயரிடப் பட்டுள்ள. 

இந்தப் புயல் 24  ம் தேதி தீவிர புயலாக வலுப்பெறும் என  வானிலை மையம் அறிவித்துள்ளது. இந்தப் புயல் ஒடிசா மேற்கு வங்கம் அருகே கரையைக் கடக்கும் போது 100  முதல் 120  கிலோ மீட்டர் வேகம் வரைக் காற்று வீசக்கூடும், கனமழை  பெய்யும் என்பதால் 150  க்கும் மேற்பட்ட ரயில்கள் ரத்து செய்யப் படுவதாகவும் கொல்கத்தா விமான நிலையம் 24  ம் தேதி காலை 8  மணி முதல் 16மணி நேரத்திற்கு மூடப்படுவதாகவும்  அறிவிக்கப்பட்டுள்ளது. 

Tuesday October 22, 2024

இஸ்ரேலில் ராக்கெட் தாக்குதல் நடத்திய ஹிஸ்புல்லா அமைப்பினர்.

இஸ்ரேல் ஹமாஸ் இடையிலான போரில் லெபனானில் செயல் பட்டு வரும் ஹிஸ்புல்லா அமைப்பினர் ஹமாஸுக்கு ஆதரவாக செயல்பட்டு அவ்வப்போது இஸ்ரேல் மீது தாக்குதல் நடத்தி வருகின்றனர்.  இதனால் லெபனான் மீது இஸ்ரேல் கடுமையான தாக்குதல்களை நடத்தி வருகிறது. இந்நிலையில் இஸ்ரேலின் வடக்கு மற்றும்மத்திய  பகுதிகளில்  உள்ள நகரங்களின் மீது  ஹிஸ்புல்லா அமைப்பு 22 ம் தேதி 25  ராக்கெட்டுகளை வீசித் தாக்குதல் நடத்தி உள்ளது. இதில் பெரும்பாலான ராக்கெட்டுகளை இடை மறித்து அழித்து விட்டதாக இஸ்ரேல் ராணுவம் கூறியுள்ளது. 

Monday October 21, 2024

செயற்கை சூரிய கிரஹணம் உருவாக்கும் செயற்கைக்கோள்  - நவம்பரில் அனுப்ப இஸ்ரோ திட்டம் 

ஐரோப்பிய விண்வெளி ஆய்வு மையம் இஸ்ரோவுடன் இணைந்து  விண்வெளியில் செயற்கை சூரிய கிரஹணத்தை உருவாக்க ப்ரோபா-3 (PROBA-3) என்ற இரட்டை செயற்கைக்கோளை வடிவமைத்துள்ளது. இந்த PROBA-3 செயற்கைக்கோளை வரும் நவம்பர் 29 ம்  தேதி விண்ணில்  செலுத்த இஸ்ரோ திட்டமிட்டுள்ளது. செயற்கை சூரிய கிரஹணத்தை  உருவாக்கக் கூடிய  இந்த இரட்டை செயற்கைக்கோள்கள் சந்திரயான் 4 உள்ளிட்ட எதிர் காலத்  திட்டங்களுக்கு உதவியாக இருக்கும் என்று எதிர்பார்க்கப் படுகிறது. 

Sunday October 20,2024

கியூபாவில் நாடு முழுவதும் தடை பட்ட மின்சாரம் 

கியூபாவில் பொருளாதார பின்னடைவு உள்ளிட்ட காரணங்களால் கடந்த சில நாட்களாக மின்தடை ஏற்பட்டு வருகிறது. நாடு முழுவதும் செயல் பட்டு சிவந்த மின் உற்பத்தி நிலையங்கள்  தங்கள் உற்பத்தியை நிறுத்தியதை அடுத்து அவ்வப்போது மின்தடை ஏற்பட்டு வந்தது. இந்நிலையில் கியூபாவின் மிகப் பெரிய மின் உற்பத்தி நிலையமான அன்டோனியோ  கிட்டாரஸ்  மின் உற்பத்தி நிலயம் சமீபதில் ஏற்பட்ட மில்டன் சூறாவளியில் சேதம் அடைந்ததால் அதன் மின் உற்பத்தியை நிறுத்தியது.இதனால் நாடு முழுவதும் மின்சாரம் தடை பட்டது.இதன் காரணமாக கடைகள், வணிக நிறுவனங்கள் மற்றும் பள்ளிகள் கல்லூரிகள் மூடப் பட்டன. ஏற்கெனவே மில்டன் சூறாவளியால் பாதிக்கப் பட்டிருந்த  கியூபா நாட்டு மக்களுக்கு  மின்தடை மேலும் பாதிப்பை ஏற்படுத்தி உள்ளது. 

Saturday October 19, 2024

இந்தியா நியூசிலாந்து டெஸ்ட் கிரிக்கெட் - நியூசிலாந்திற்கு 107  ரன்களை வெற்றி இலக்காக நிர்ணயித்த இந்தியா 

இந்தியா நியூசிலாந்து இடையிலான  டெஸ்ட் கிரிக்கெட் போட்டியில் இந்திய அணி இரணடாவது இன்னிங்சின் நான்காம் நாள் முடிவில் 462 ரன்கள் எடுத்தது. முதல் இன்னிங்சில் இந்திய அணி  46  ரன்கள் எடுத்தது.  மொத்தம் 508 ரன்கள் எடுத்த இந்திய அணி முதல் இன்னிங்சில் 402  ரன்கள் எடுத்த நியூசிலாந்து  அணிக்கு 107  ரன்கள் வெற்றி இலக்காக நிர்ணயித்தது. நான்காம் நாள் ஆட்டம் முடிந்த நிலையில் கடைசி நாளான 20ம் தேதி எந்த அணி  வெற்றி பெறும்  எனத் தெரிய வரும் Saturday 

Friday October 18,2024

இந்தோனேசியாவில் பள்ளிகளில் இலவச மத்திய உணவுத் திட்டம் 

உலக அளவில் இந்தோனேசியாவில் ஊட்டசத்து குறைபாடுகளுள்ள  குழநதைகள் அதிகம் .அதனைக் குறைக்கும் வகையில்  இந்தோனேசியப்   பள்ளிக்கூடங்களில் மத்திய உணவுத் த்திட்டம் தொடங்கப் பட்டுள்ளது. இந்தத் திட்டம் சோதனை அடிப்படையில் மேற்கு ஜாவாவில் இருக்கும் சுகாவிலில் உள்ள 20  பள்ளிக்கூட்ட்ங்களில்  ஒவ்வொரு நாளும் 3200  பேருக்கு பால்,முட்டை மற்றும் பழங்களுடனான மத்திய உணவு வழங்கப் பட்டு வருகிறது. அடுத்த ஆண்டு ஜனவரி மாதம் முதல் இந்தத் திட்டம் நாடு  முழுவதும் நடைமுறைக்கு வரும் என்று  தெரிவிக்கப் பட்டுள்ளது.  

Thursday October17, 2024

டெஸ்ட் கிரிக்கெட்டில் மோசமான சாதனை  படைத்த இந்தியா 

நியூசிலாந்து கிரிக்கெட் அணி இந்தியாவில் சுற்றுப் பயணம் செய்து மூன்று  டெஸ்ட் கிரிக்கெட் தொடரில்  விளையாடுகிறது. இதன்படி இந்தியா, நியூசிலாந்து அணிகளுக்கு  இடையிலான முதலாவது டெஸ்ட் போட்டி பெங்களூருவில் 16ம் தேதி தொடங்கிய நிலையில் மழை காரணாமாகக் கைவிடப் பட்டது. இரண்டாவது நாளான 17 ம்  தேதி வியாழக்கிழமை நடை பெற்ற ஆட்டத்தில் முதலில் பேட்டிங் செய்த இந்தியா அணி 31.2 ஓவர்களில் 46 ரன்கள் மட்டுமே எடுத்து ஆல்அவுட்  ஆனது. அடுத்து விளையாடிய நியூசிலாந்து அணி, ஆட்டம் முடிவில் 50 ஓவர்களில்  180 ரன்கள் எடுத்து 134 ரன்கள் முன்னிலையில் உள்ளது. குறைந்த ரன்களில் ஆல் அவுட் ஆனதன் மூலம் டெஸ்ட் கிரிக்கெட்டில் இந்திய அணி மோசமாக சாதனை ஒன்றை படைத்துள்ளது

Wednesday October 16, 2024

சவரன் 57,000  ரூபாயைக் கடந்த தங்கத்தின் விலை 

கடந்த சில நாட்களாக தங்கத்தின் விலை அதிகரித்து வந்த நிலையில் கடந்த 4ம் தேதி ஒரு சவரன் தங்கம் 56,960 ரூபாய்க்கு விற்கப்பட்டது. இதை அடுத்து பதினைந்தாம் தேதி சவரனுக்கு 200 ரூபாய் குறைந்து  விற்பனை செய்யப்பட்டது. இந்நிலையில் சென்னையில் தங்கத்தின் விலை, 16 ம் தேதி புதன்கிழமை ஒரு சவரனுக்கு 360  ரூபாய் உயர்ந்து ஒரு சவரன் தங்கம் 57,120   ரூபாய்க்கு விற்பனையானது.

Tuesday October 15, 2024

விண்வெளி விருது பெற்ற இஸ்ரோ தலைவர் சோம்நாத் 

உலக விவ்வெளி விருது   வழங்கும் விழா இத்தாலியில் உள்ள  மிலன் நகரில் நடை பெற்றது. இந்த விழாவில் சந்திரயான் 3  பணியை  அங்கீகரிக்கும் வகையிலும் , சந்திரனின்  தென் துருவத்தில் தரை  இறங்கிய முதல் வரலாற்று சாதனையைக் குறிக்கும் வகையிலும், உலக விண்வெளி விருது இஸ்ரோ தலைவர் சோம்நாத்திற்கு வழங்கப்பட்டது.  மேலும்  சந்திரயான் 3 திட்டத்திற்கு சர்வதேச விண்வெளிக் கூட்டமைப்பு பாராட்டுத் தெரிவித்துள்ளது. 

Monday October 14, 2024

கனடாதூதரக அதிகாரிகளை திரும்பப் பெறுவதாக இந்தியா அறிவிப்பு

கனடாவில் உள்ள இந்திய தூதர் உட்பட ஆறு அதிகாரிகளைத் திரும்பப் பெறுவதாக இந்திய அறிவித்துள்ளது. இது குறித்து இந்திய வெளியுறவுத் துறை  அமைச்சகம் வெளியிட்டுள்ள அறிக்கையில், ஜஸ்டின் ட்ரூடோ அரசின்  நடவடிக்கைகள்  தூதர்களின் பாதுகாப்பிற்கு ஆபத்தை விளைவிப்பதாக உள்ளது என்றும், கனடா அரசின் மீது நம்பிக்கை இல்லை என்றும், இதனால் தூதரக அதிகாரிகளை இந்திய அரசு திரும்பப் பெற முடிவு செய்துள்ளது  என்றும் தெரிவிக்கப் பட்டுள்ளது. 

Sunday October13, 2024

நோபல் பரிசுக்குப் பிறகு மூன்று நாட்களில் ஐந்து லட்சம் புத்தகங்கள் விற்பனை 

இந்த ஆண்டின் இலக்கியத்திற்கான நோபல் பரிசு கடந்த பத்தாம் தேதி தென் கொரியப்  பெண் எழுத்தாளர் ஹான் காங்கிற்கு அறிவிக்கப் பட்டது. இந்நிலையில் ஹான் காங்கிற்கு நோபல் பரிசு அறிவிக்கப் பட்ட கடந்த வியாழன் முதல் 13ம் தேதி ஞாயிறு பிற்பகல் இரண்டு மணி வரை  இவர் எழுதிய புத்தகங்கள் 530000 பிரதிகள் விற்பனையாகி உள்ளன. தென் கொரியாவில் உள்ள கியோபோ, மற்றும் S24

ஆகிய புத்தக நிலையங்கள் இந்த தகவலைத் தெரிவித்துள்ளன.

Saturday October 12, 2024

சஹாரா பாலைவன ஏரியில் வெள்ளம்- 50  ஆண்டுகளில் இல்லாத அதிசயம் 

மொராக்கோ நாட்டில் அமைந்திருக்கும் சஹாராபாலைவனத்தின் ஒரு பகுதியில் உள்ள இரிக்கி என்ற ஏரியில் வெள்ளம் நிரம்பிக் காணப் படுகிறது. ஐம்பது ஆண்டுகளாக வற்றியிருந்த இந்த ஏரியில் தற்போது வெள்ளம் நிரம்பிக் காணப்படுவதன் காரணம், ஓராண்டில் பெய்ய  வேண்டிய மழையை விட , ஓரிரு நாட்களில் கொட்டித் தீர்த்த கன மழையே காரணம்  என கூறப் படுகிறது. பாலைவனத்தில்  தேங்கி நிற்கும் வெள்ள நீர் ஆங்காங்கே குட்டைகளாகக் காட்சியளிக்கும்  விடியோக்கள் இணையத்தில் வெளியாகிக் காண்போரைஆச்சரிய பட வைத்துள்ளன. 

Friday October 11, 2024

கிரிக்கெட் வீரர் முஹம்மது சிராஜுக்கு DSP    பதவி 

நடந்து முடிந்த  T20 உலகக் கோப்பைத் 

தொடரை இந்தியா வென்ற நிலையில் இந்திய வீரர் முஹம்மது சிராஜுக்கு அரசுப் பணி மற்றும் 600 சதுர அடி நிலம் வழங்கப்படும் என்று தெலுங்கானா முதல்வர் ரேவன் ரெட்டி அறிவித்திருந்தார். அதன்படி தெலுங்கானா மாநில  காவல் துறை  துணை கண்காளிப்பாளராக  முஹம்மது சிராஜ் 11 ம்  தேதி வெள்ளிக்கிழமை பதவியேற்றுக் கொண்டார். 

Thursday October 10, 2024

இலக்கியத்திற்கான நோபல் பரிசு தென் கொரியப்  பெண் எழுத்தாளர் ஹான் காங்கிற்கு அறிவிப்பு

இந்த ஆண்டிற்கான நோபல் பரிசு கடந்த 7 ம்   தேதி முதல் அறிவிக்கப்பட்டு வருகிறது. மருத்துவம், இயற்பியல், வேதியல் ஆகிய துரைகளுக்கான நோபல் பரிசு அறிவிக்கப் பட்ட நிலையில்  இலக்கியத்திற்கான நோபல் பரிசு  10 ம் தேதி வியாழக்கிழமை  அறிவிக்கப்பட்டது. அதன்படி  தென் கொரியப் பெண் எழுத்தாளர் ஹான் காங் என்பவருக்கு  இந்த ஆண்டிற்கான நோபல் பரிசு அறிவிக்கப் பட்டுள்ளது. அமைதிக்கான நோபல் பரிசு  11 ம்  தேதி அறிவிக்கப் பட உள்ளது 

Wednesday October 9,  2024

அமெரிக்க அதிபர் தேர்தலில் விண்வெளியில் இருந்து வாக்களிக்க உள்ள சுனிதா வில்லியம்ஸ் 

 நாசாவின் விண்வெளி வீராங்கனை சுனிதா வில்லியம்ஸ் பார்ட்ஸ் விமோரே இருவரும் கடந்த ஜூன் 5 ம் தேதி சர்வதேச விண்வெளி நிலையத்திற்குச் சென்றனர்.   அவர்கள் சென்ற விண்கலத்தில் ஏற்பட்ட தொழில் நுட்பக்க கோளாறு காரணமாக இருவரும் பூமிக்குத் திரும்புவதில் சிக்கல் ஏற்பட்டதால் விண்வெளியிலேயே தங்கி உள்ள இருவரும் வரும் பிப்ரவரி மாதம் பூமிக்குத் திரும்புவார்கள் என அறிவிக்கப்பட்டுள்ளது. இந்நிலையில் வரும் நவம்பர்ம்  5 ம் தேதி நடக்கவிருக்கும்  அமெரிக்க அதிபர் தேர்தலில், சுனிதா வில்லியம்ஸ் விண்வெளி நிலையத்தில் இருந்தே விண்வெளிக் கணினி மூலம் வாக்களிக்க ஏற்பாடு செய்யப்பட்டுள்ளதாக அறிவிக்கப்பட்டுள்ளது.

Tuesday October 8, 2024

இயற்பியலுக்கான நோபல் பரிசு அமெரிக்கா கனடா விங்ஞானிகளுக்குப் பகிர்ந்தளிப்பு 

இயற்பியல், வேதியல், மருத்துவம், இலக்கியம் பொருளாதாரம்  மற்றும் அமைதி ஆகிய ஆறு துறைகளில்   சாதனை படைத்தவர்களுக்கு ஒவ்வொரு ஆண்டும் நோபல் பரிசு வழங்கப் பட்டு வருகிறது. இந்த வருடத்தின் மருத்துவத்திற்கான நோபல் பரிசு ஏழாம் தேதி அறிவிக்கப் பட்டது.    இந்நிலையில் எட்டாம் தேதி செவ்வாய்கிழமை இயற்பியலுக்கான நோபல் பரிசு அறிவிக்கப் பட்டது.  இயற்பியலுக்கான நோபல் பரிசு அமெரிக்க விஞ்ஞானி  John Hopfield மற்றும் கனடாவைச் சேர்ந்த விஞ்ஞானி Geoffrey Hinton ஆகிய இருவருக்கும் பகிர்ந்தளிக்கப் படுவதாக  அறிவிக்கப் பட்டுள்ளது.  செயற்கை அறிவியல் தொழில் நுட்பம் மூலம் machine learning தொடர்பான கண்டுப்பிடிப்புக்காக நோபல் பரிசு வழங்கப் படுவதாக  அறிவிக்கப் பட்டுள்ளது. 

Monday October 7, 2024

மக்களைத் தேடி  மருத்துவம் திட்டத்திற்கு ஐ.நா.விருது 

தமிழ் நாட்டில் செயல் படுத்தப்பட்டு வரும் மக்களைத் தேடி மருத்துவம் திட்டத்திற்கு உலக அங்கீகாரம் கிடைத்துள்ளது என்று தமிழக முதல்வர் ஸ்டாலின் தெரிவித்துள்ளார். இது குறித்து முதல்வர் தனது X தளத்தில் கூறியிருப்பதாவது, இந்தியத் துணைக்கு  கண்டத்திற்கே முன்னோடித் திட்டமாக செயல்படுத்தப் பட்டுள்ள மக்களைத் தேடி  மருத்துவம் திட்டத்திற்கு உலக அங்கீகாரம் தேடி வந்திருக்கிறது. ஒவ்வொருவரது இல்லத்திற்கும் சென்று மருத்துவ சேவைகளை வழங்கும் நமது  திட்டம் சமூகத்தில் ஏற்படுத்தியிருக்கும் தாக்கத்தின் அடையாளம் தான் ஐ.நா.வின் 2024 ம் ஆண்டிற்கான United Nation Interagency Task Force Award விருது என்று தெரிவித்துள்ளதுள்ளார்.   

Sunday October 6, 2024

சென்னையில் நடந்த வான் சாஹச நிகழ்ச்சி - 15  லட்சம் மக்கள் கண்டு களித்தனர்.

இந்திய விமானப் அப்படையின் 92 வது ஆண்டு விழாவை ஒட்டி சென்னை மெரினா  கடற்கரையில் 6 ம் தேதி ஞாயிற்றுக்கிழமை காலை பதினோரு மணியிலிருந்து மதியம் ஒரு மணி வரை விமானப் படையினரின் வான் சாகச நிகழ்ச்சி நடை பெற்றது. இதில் 72 விமானங்களில்  வீரர்கள் வானில் சாகச நிகழ்ச்சியை நடத்திக் காட்டினர். இந்த நிகழ்ச்கியை லட்சக் கணக்கான மக்கள் கண்டு களித்தனர். இது குறித்துப் பேசிய விமானப் படைத்த தளபதி A.P.சிங் கூறும் போது சென்னை மெரினா கடற்கரையில் நடந்த வண்ணமயமான விமான சாகச நிகழ்ச்சியை சுமார்  15  லட்சம் மக்கள் கண்டு களித்ததாகவும் , இந்த நிகழ்ச்சி லிம்கா  சாதனைப் புத்தகத்தில் இடம் பிடித்துள்ளதாகவும்கூறினார். 

Saturday October 5, 2024

சிங்கப்பூரில் 182  ஆண்டுகளாக நடந்து  வந்த குதிரைப்  பந்தயம் முடிவு  

சிங்கப்பூர் பிரிட்டிஷ் ஆட்சியின் கீழ் மலேசியாவுடன் இணைந்த நாடாக இருந்த போது  124  ஹெக்டேர்  பரப்பளவில் குதிரைப் பந்தய மைதானம் அமைக்கப் பட்டது . இந்நிலையில் சிங்கப்பூரில் வீட்டு வசதித் திட்டங்களுக்கு  நிலம் தேவைப்படுவதால்,  குதிரைப்  பந்தய மைதானத்தை அரசு எடுத்துக்கொள்ள இருப்பதால் 1842 ம் ஆண்டு முதல் 182 ஆண்டுகளாக நடந்து வந்த குதிரைப்  பந்தயம் 5ம் தேதி  சனிக்கிழமையுடன் முடிவுக்கு வந்தது. 

Friday October 4, 2024

லெபனானுக்கு முழு ஆதரவு - கத்தார் அறிவிப்பு 

இஸ்ரேல் மீது ஈரான் கடந்த செவ்வாய்கிழமை ஈரான்   நூற்றுக் கணக்கான  ஏவுகணைகளை வீசித் தாக்குதல் நடத்தியது.  இதனால் இஸ்ரேல் லெபனான் மீது தாக்குதலைத் தீவிரப்படுத்தியுள்ளது. தலைநகர் பெய்ரூட்  மற்றும் தெற்கு லெபனானில் இஸ்ரேல் நடத்திய வான் வெளித் தாக்குதலில் ஏராளமான கட்டிடங்கள் தரை மட்டமாகின. இந்நிலையில் லெபனானில் சண்டையினால் இடம் பெயர்ந்த மக்களுக்கு மனிதாபிமான உதவிகளை அளிக்க உத்தரவிட்டுள்ளதாகவும் இந்தக்  கொடூரத் தாக்குதலில்  லெபனானுக்கு கத்தார் முழு ஆதரவு அளிக்கும் என்றும் கத்தார் மன்னர்   தமீம் பின் ஹமத் அல் தானி தெரிவித்துள்ளார். 

Thursday October 3, 2024

மெக்ஸிகோ நாட்டின் முதல்  பெண் அதிபராக ஷீன்பாம் பதவியேற்பு 

மெக்ஸிகோவில் கடந்த ஜூன் மாதம் நடைபெற்ற அதிபர் தேர்தலில் ஆளும் கட்சி வேட்பாளராகக் களமிறங்கிய கிளாடியா ஷீன்பாம் அறுபது சதவீத வாக்குகளைப்  பெற்று அமோக வெற்றி பெற்றார் . இந்நிலையில் ஒன்றாம் தேதி செவ்வாய்க்கிழமை  நடைபெற்ற  பதவியேற்பு விழாவில், மெக்ஸிகோ நாட்டின் முதல் பெண் அதிபராக  ஷீன்பாம் பதவியேற்றுக் கொண்டார். பதவியேற்பு விழாவில்  அதிபர் ஜோ பைடன் , மற்றும் அவரது மனை ஜில் பைடன் ஆகியோர் கலந்து கொண்டனர்.  மெக்ஸிகோவின் முதல் பெண் அதிபராகப் பதவி ஏற்றுள்ள ஷீன்பாம் கடந்த 2007 ம்  ஆண்டு அமைதிக்கான நோபல் பரிசு பெற்றவர் என்பது குக்குறிப்பிடத் தக்கது.

Wednesday October 2, 2024

போர் பதற்றம் குறித்து   G 7 நாட்டு தலைவர்களுடன்  இத்தாலி ஆலோசனை 

ஹிஸ்புல்லா மற்றும் ஹவுதி கிளர்ச்சியாளர்கள்  மீது இஸ்ரேலநடத்திய  தாக்குதலுக்குப்  பதிலடியாக ஒன்றாம் தேதி இரவு இஸ்ரேல் மீது ஈரான் ஏவுகணைத் தாக்குதல் நடத்திய நிலையில், மத்திய கிழக்குநாடுகளில்   பதற்றமான சூழ்நிலை காணப் படுகிறது. இந்நிலையில் போர் பதற்ற்றம் குறித்து அமெரிக்கா , கனடா, இங்கிலாந்து, பிரான்ஸ், ஜேர்மனி, ஜப்பான் ஆகிய  G7 நாடுகளுடன் இத்தாலி பிரதமர் ஜியோர்ஜியா மெலோனி ஆலோசனை நடத்த உள்ளதாக பிரதமர்  அலுவலம் தெரிவித்துள்ளது .

Tuesday October 1, 2024

இஸ்ரேல் மீது ஈரான் ஏவுகணைத் தாக்குதல் 

இஸ்ரேல் மீது ஈரான் நூற்றுக்கும் அதிகமான ஏவுகணைகளை வீசி தாக்குதல் நடத்தியுள்ளது. காசா மற்றும் லெபனான் மீது இஸ்ரேல் தாக்குதல் நடத்தி வருவதற்கு பதிலடியாக ஈரான் இஸ்ரேல் மீது ஏவுகணைத் தாக்குதல் நடத்தி உள்ளதாகக் கூறப்படுகிறது. ஈரான் ஏவுகணைத் தாக்குதல்  நடத்தி யதாக  இஸ்ரேல் ராணுவமும் அறிவித்துள்ளது. இதனால் ஜெருசலேம் பகுதியில் உள்ள மக்கள் பாதுகாப்பாக இருக்குமாறு இஸ்ரேல் அரசு அறிவுறுத்தி உள்ளது. 

Monday September 30, 2024

இந்தி  நடிகர் மிதுன் சக்கரவர்த்திக்கு தாதா சாஹேப் பால்கே விருது 

இந்தி  நடிகர் மிதுன் சக்கரவர்த்திக்கு தாதா 

பிரபல இந்தி  நடிகர் மிதுன் சக்கரவர்த்திக்கு தாதா சாஹேப் பால்கே விருது அறிவிக்கப்பட்டுள்ளது. 1976  ம் ஆண்டு வெளியான மிர்கயா என்ற படத்தின் மூலம் சினிமாவில் அறிமுகமான மிதுன் சக்கரவர்த்தி முதல் படத்திலேயே தேசிய விருது பெற்றவர். இவர் இந்தி, பெங்காலி, தமிழ் உட்பட பல மொழிகளில் 350  படங்களுக்கும் மேல்நடித்துள்ளார்.  மிதுன் சக்கரவர்த்திக்கு கடந்த ஜனவரி மாதம் பத்மபூஷன் விருது வழங்கப்பட்டது. இந்நிலையில் இவருக்கு மத்திய அரசு திரைப்படத்துறையின் மிக உயரிய விருதான தாதா சாஹேப் பால்கே விருது  அறிவித்துள்ளது.  வரும் அக்டோபர் 8  ம் தேதி மும்பையில் நடைபெற உள்ள  எழுபதாவது தேசிய திரைப்பட விழாவில்  இவ்வ்ருது அவருக்கு வழங்கப்பட உள்ளது.

Sunday September 29,2024

கொல்கட்டாவில் 150 ஆண்டுகளாக இயங்கி வந்த டிராம் சேவை நிறுத்தம் 

ஆங்கிலேயர்களால் அறிமுகப் படுத்தப்பட்ட 150 ஆண்டு கால டிராம் சேவை நிறுத்தப் பட உள்ளதாக மேற்குவங்கப் போக்குவரத்துத்துறை அமைச்சர் தெரிவித்துள்ளார். முறையான பராமரிப்பு 

இல்லாமை, சாலை ஆக்கிரமிப்பு ஆகிய காரணங்களால் டிராம் இயக்கம் குறைந்துவருவதால்  டிராம் சேவை நிறுத்தபட  உள்ளதாகத் தெரிவிக்கப்பட்டுள்ளது. 

Saturday September 28, 2024

ஸ்கேன் செய்தால் தொகுதி நிலவரம் அறியும் ஸ்மார்ட் காலண்டர்கள் 

தமிழ்நாட்டில் சிவகாசியில் 2025  ம் ஆண்டிற்கான நவீன காலண்டர்கள் தயாரிக்கும் பணி தொடங்கி  நடை பெற்று வருகிறது. காலண்டர்கள் தயாரிப்பில் தற்போது நாள் குறிப்புடன் வித்தியாசமான புதுமையைப் புகுத்தி அறிமுகப் படுத்தப் பட உள்ளன. அந்த வகையில் தமிழ்நாடு 234 காலண்டர் என புதிய வகைக் காலண்டர்கள்  அறிமுகமாக இருக்கின்றன.இந்த காலண்டரில் தமிழ் நாட்டிலுள்ள 234 தொகுதிகளின் விபரங்களை அறிந்து கொள்ளும்  வகையில் ஒவ்வொரு தொகுதிகளின் பெயர்களும், அதற்குரிய QR கோடும் உள்ளன. இந்த QR கோடை ஸ்கேன் செய்யும்போது அந்தந்த தொகுதிகளின் விபரம் அறிந்து கொள்ளலாம். ஒவ்வொரு தொகுதியைப் பற்றித் தெரிந்து கொள்ள இந்த ஸ்மார்ட் காலண்டர்கள் உதவியாக இருக்கும் என எதிர்பார்க்கப் படுகிறது. 

Friday September 27, 2024

லெபனான் மிக மோசமான கால கட்டத்தை எதிர்கொள்வதாக ஐ.நா. கவலை

இஸ்ரேல் இஸ்புல்லா அமைப்பினர் மீது நடத்திவரும்  தொடர் தாக்குதலில் கடந்த 23 ம் தேதி முதல் இதுவரை 700 க்கும்   அதிகமானோர் உயிரிழந்துள்ளனர். இந்நிலையில் இஸ்ரேல் ளேபேணான் மீது

27 ம் தேதி இரவு தரை வழித் தாக்குதலைத் தொடங்கியது. முன்னதாக  ஐ.நா. மனிதாபிமான ஒருங்கிணைப்பாளர் இம்ரான் கூறும்போது, லெபனான் இதுவரை இல்லாத கொடூரமான போரை ஏதிர்கொள்கிறது. லெபனானில் மோசமான கால கட்டத்தை நாங்கள் காண்கிறோம் என்று கூறினார். 

Thursday September 26, 2024

அறுபது லட்சத்தைக் கடந்த சிங்கப்பூர் மக்கள்தொகை 

சிங்கப்பூரில் வசிக்கும் மக்கள் தொகைப் புள்ளி விபரத்தை அந்நாட்டு பிரதமர் அலுவலகம் 26 ம் தேதி  வெளியிட்டது. அந்த அறிக்கையின் படி  2024  ஜூன் மாதம்  வரை சிங்கப்பூரில் அறுபது லட்சம் பேர் வசிக்கின்றனர். இதில் சிங்கப்பூர் குடியுரிமை பெற்றவர்கள் 41  லட்சம் பேர், சிங்கப்பூரில் வெளிநாட்டுப் பணியாளர்கள் மற்றும் வெளிநாட்டு மாணவர்கள் 18,60,000  பேர், மற்றும் குடியுரிமை இல்லாதவர்கள் ஐந்து சதவீதம் அதிகரித்துள்ளது. இவ்வாறு அந்த அறிக்கையில் கூறப் பட்டுள்ளது  

Wednesday  September 25,  2024

மறைந்த பாடகர்  S.P. பாலசுப்ரமணியத்தின் பெயரில் சாலை 

மறைந்த பின்னணிப் பாடகர் 

S.P. பாலசுப்ரமணியம் கடந்த 2020 ம்   ஆண்டு செப்டம்பர் 25ம்    தேதி  காலமானார். இந்நிலையில் S.P. பாலசுப்ரமணியம்  வாழ்ந்த சென்னை நுங்கம்பாக்கம் காந்தார் நகர் முதல் தெருவுக்கு S.P. பாலசுப்ரமணியம் சாலை என்று பெயர் சூட்டப்படும் என தமிழக முதல்வர் ஸ்டாலின் அறிவித்துள்ளார். S.P.B.யின் மகன் S.P.B சரண் கோரிக்கையை ஏற்று S.P. பாலசுப்ரமணியத்தின் நான்காவது நினைவு தினமான செப்டம்பர் 

25 ம் தேதி அவர் வாழ்ந்த தெருவுக்கு அவரது பெயர் சூட்டப்படும் என் அறிவிக்கப் பட்டுள்ளது 

Tuesday September 24, 2024

எண்பது  கோடி ரூபாயில் புதுபிக்கப் படும் வள்ளுவர் கோட்டம் 

சென்னை நுங்கம்பாக்கத்தில் உள்ள வள்ளுவர் கோட்டத்தில் 80  கோடி ருபாய் மதிப்பீட்டில் புதுப்பிப்புப் பணிகள் நடைபெற்று வருகின்றன.  வரும் ஜனவரி மாதம்  இறுதியில் இந்தப் பணிகள் முடிவடைந்து பொது மக்கள் பயன் பாட்டிற்குக் கொண்டு வரப்படும் என்று செய்தித்துறை அமைச்சர் சாமிநாதன் தெரிவித்தார். 

Monday September 23, 2024

இந்த முறை நிச்சயம் வெல்வேன் - முன்னாள் அதிபர் டொனால்ட் ட்ரம்ப் 

அமெரிக்காவில் வரும் நவம்பர் மாதம் நடை பெறவிருக்கும் அதிபர் தேர்தலில் போட்டியிடும் முன்னாள்  அதிபர் டொனால்ட் ட்ரம்ப் செய்தியாளர்களுக்கு அளித்த பேட்டியில் 2024 ல் வெள்ளை மாளிகைக்குத் திரும்பும் முயற்சியில்தோல்வி அடைந்தால், 2028  ம் ஆண்டு ஜனாதிபதித்  தேர்தலில்  மீண்டும் போட்டியிடப் போவதில்லை என்றும், இந்தத் தேர்தலில் நிச்சயம்  வெல்வேன் என நம்புகிறேன் என்றும் கூறினார் . 

Sunday September 22, 2024

இலங்கை அதிபர் தேர்தலில் அநுரா குமார திசநாயகே lவெற்றி 

இலங்கையின் தர்போதய அதிபராக இருந்த ரணில் விக்ரமசிங்கேயின் பதவிக்  காலம் வரும் நவம்பர் மாதம் 17ம்  தேதி நிறைவடைவதைத் தொடர்ந்து , இலங்கையில் 21 ம்  தேதி சனிக்கிழமை அதிபர் தேர்தல் நடந்தது.  இதில் 75  சதவீத வாக்குகள் பதிவாகின. வாக்கு எண்ணிக்கை முடிந்த நிலையில் தேசிய மக்கள் சக்தி இயக்கத்தின்  தலைவர் அநுரா  குமார திசநாயகே 42.31 சதவீத வாக்குகள் பெற்று வெற்றி பெற்றார். வெற்றி பெற்ற  அநுரா  குமார திசநாயகே 23 ம் தேதி திங்கட்கிழமை பதவியேற்க உள்ளார். 

Saturday September 21, 2024

தமிழகத்தின் செஞ்சிக் கோட்டை  உலக பாரம்பரிய சின்னமாகுமா? யுனெஸ்கோ ஆய்வு

தமிழகத்தின் விழுப்புரத்தில் உள்ள செஞ்சிக் கோட்டை உட்பட இந்தியாவின் 12 இடங்களை உலக பாரம்பரிய சின்னங்களாக அறிவிக்க வேண்டும் என யுனெஸ்கோ அமைப்பிற்கு மத்திய அரசு பரிந்துரை செய்துள்ளது. இதையடுத்து  யுனெஸ்கோ அமைப்பினர் மற்றும் நினைவுச் சின்ன சர்வதேச  ஆணைய  உறுப்பினர்கள் கொண்ட  குழு வரும் 27 ம்தேதி செஞ்சிக்கோட்டையை நேரில் வந்து ஆய்வு செய்து அறிக்கை அளிக்க உள்ளனர். யுனெஸ்கோ ஆணையக்  குழுவினர் செஞ்சிக் கோட்டையின் வரலாற்று முக்கியத்துவத்தை உணர்ந்து அதை உலக பாரம்பரிய சின்னமாக அறிவிக்கப் பரிந்துரை செய்வார்கள் என்ற நம்பிக்கை  உள்ளதாகத் தொல்லியல் துறை  அதிகாரி ஒருவர் தெரிவித்தார். 

Friday September 20, 2024

இலங்கையில் 21ம்  தேதி அதிபர் தேர்தல் 

இலங்கையின் தற்போதைய அதிபர் ரணில் விக்ரமசிங்கேவின் பதவிக்காலம் வரும் நவம்பர் 17ம் தேதி நிறைவடைகிறது. இதையடுத்து புதிய அதிபருக்கான தேர்தல் 21ம்  தேதி சனிக்கிழமை நடைபெறுகிறது. கடந்த 18 ம்  தேதி தேர்தல் பிரச்சாரம் ஓய்ந்த   நிலையில் வாக்குப் பதிவுக்கான  ஏற்பாடுகள் நடை பெற்று வருகின்றன. இதத் தேர்தலில் ஒரு கொடியே எழுபது லட்சம் பேர் வாக்களிக்க உள்ளனர். 

Thursday September 19, 2024

வெள்ளை மாளிகையைக்  கைப்பற்றுவோம்- டொனால்ட் டிரம்ப் உரை 

அமெரிக்கா அதிபர் தேர்தலில் குடியரசு கட்சி சார்பில் அதிபர் வேட்பாளராகப் போட்டியிடும் டொனால்ட் டிரம்ப் நியூயார்க்கில்  நடந்த தேர்தல் பிரச்சாரத்தில் பேசினார். அப்போது ௪௦ ஆண்டுகளுக்குப் பின் நியூயார்க்கில் குடியரசுக் கட்சி வெற்றி பெறும். நாங்கள் ஆட்சிக்கு வந்தபின் பண வீக்கம் மற்றும் சட்டவிரோத குடியேற்றப் பிரச்சனைகளில் கவனம் செலுத்துவோம். நாங்கள்   வெள்ளை மாளிகையைக்  கைப்பற்றுவோம்,  நாட்டை சிறப்பாக வழி  நடத்துவோம். அமெரிக்கர்கள் எனக்கு மிக வலுவான பணியை வழங்கி  உள்ளனர். 

அமெரிக்காவை  மீண்டும்  அனைத்து அமெரிக்கர்களுக்கும் சிறந்ததாக 

  மாற்ற நான் பணியாற்ற உள்ளேன். இவ்வாறு முன்னாள் அதிபர் டிரம்ப் உரையாற்றினார். 

புவி வெப்பமயமாதலால் மூன்று டிகிரி   செல்ஸியஸ் வெப்பம் உயரும் அபாயம் 

ஜெனீவா உலக வானிலை மையத்தின் பொதுச் செயலாளர் செலெஸ்டி சாலோ செய்தியாளர்களுக்கு அளித்த பேட்டியில் புவி வெப்பமயமாவதைக் கட்டுப்படுத்தாவிட்டால்  இந்த நூற்றாண்டின் இறுதிக்குள் வெப்பநிலை மூன்று டிகிரி செல்ஸியஸ் உயரும் அபாயம் உள்ளதாகத் தெரிவித்தார். வெப்பமயமாவதைக் கட்டுப்படுத்தும் நடவடிக்கைகளைக் கடைபிடிக்காவிட்டால் இயற்கை சீற்றங்களைத்   தடுக்க முடியாது என்றும், உலக அளவில் இந்த ஆண்டின் முதல் எட்டு மாதங்களிலும்  வெப்பநிலை வழக்கத்தை விட அதிகரித்திருந்ததாகவும் செலெஸ்டி சானோ தெரிவித்தார்.

Wednesday September 18, 2024

கனடா இடைத்  தேர்தலில் தோல்வி - ஜஸ்டின் ட்ரூடோவுக்கு நெருக்கடி 

கனடா நாட்டில் பிரதமர் ஜஸ்டின் ட்ரூடோ தலைமயிலான லிபரல் கட்சி ஆட்சி செயகிறது. இந்நிலையில் கனடாவில் கடந்த ஜூன் மாதம் நடந்த டோராண்டோ இடைத்   தேர்தலிலும், மாற்றியலில் கடந்த திங்கட்கிழமை நடந்த இடைத் தேர்தலிலும், ஆளும் லிபரல் கட்சி தோல்வியைத் தழுவியது.  இதனால் ஒன்பது  ஆண்டுகளாக ஆட்சியில் இருக்கும் ஜஸ்டின் 

ட்ரூடோவிற்கு நெருக்கடி ஏற்பட்டுள்ளது.

Tuesday September 17, 2024

ஐந்தாவது முறையாக ஆசிய சாம்பியன்ஷிப் கோப்பையை வென்ற இந்திய  ஹாக்கி அணி 

சைனாவில் நடைபெற்ற ஆசிய சாம்பியன்ஷிப் ஹாக்கி போட்டியில்  ஒன்றுக்கு பூஜ்ஜியம் என்ற கணக்கில் சீன அணியை வீழ்த்தி இந்திய அணி சாம்பியன் பட்டம் வென்றது. இதன் மூலம் இந்திய  ஹாக்கி அணி  ஐந்தாவது முறையாக ஆசிய சாம்பியன்ஷிப் கோப்பையை வென்றுள்ளது. இதற்குமுன்  20111, 2016, 2018, மற்றும் 2023 ஆகிய ஆண்டுகளில் ஆசிய கோப்பையை இந்திய அணி வென்றுள்ளது என்பது குறிப்பிடித் தக்கது. 

Monday September 16, 2024

மீண்டும் 55,000 ரூபாயைக் கடந்த தங்கத்தின் விலை 

கடந்த ஜூலை மாதம் 55,000 ரூபாய்க்கு விற்பனையான தங்கத்தின் விலை குறைந்து 51,000 ரூபாய்க்குக்  கீழ் வந்தது . மீண்டும் விலை அதிகரித்து சென்னையில் ஆபரணத் தங்கத்தின் விலை கடந்த வாரத்  தொடக்கத்தில் 53,440  ரூபாய்க்கு விற்பனையான நிலையில், கடந்த சனிக்கிழமை  ஒரே வாரத்தில் சவரனுக்கு  1480 ரூபாய் உயர்ந்து , சவரன் 54,920  ரூபாய்க்கு விற்பனையானது. இந்நிலையில் 17ம் தேதி திங்கட்கிழமை சவரனுக்கு மீண்டும் 120 ரூபாய் உயர்ந்து ஒரு சவரன் தங்கம் 55,040 ரூபாய்க்கு விற்பனை செய்யப் பட்டது. 

Sunday  September 15, 2024

தனியார்  விண்வெளிப் பயணத்தை முடித்துக் கொண்டு பூமிக்குத் திரும்பிய ஸ்பேஸ் எக்ஸ் விண்கலம் 

இலான் மஸ்க் மற்றும் ஜாரெட் ஐசக்மேன்  இருவரும் இணைந்து உருவாக்கிய போலாரிஸ் டான் திட்டத்தில் ஸ்பேஸ் எக்ஸ்சின் டிராகன் விண்கலத்தில் , ஐசக்மேன் உட்பட4 பேர் கடந்த செவ்வாய்க்கிழமை விண்வெளிக்குச் சென்றனர். புறப்பட்ட 15 மணி  நேரத்தில்  1500 கிலோ மீட்டர் உயரம் சென்று, தொடர்ந்து 700 கிலோ மீட்டர் உயரத்தில் புவி சுற்று வட்டப் பாதையில் ஜாரெட் மற்றும் சாரா கில்ஸ்  ஆகியோர்  ஸ்பேஸ் வாக்  எனப்படும் விண்வெளி நடையை மேற்கொண்டார்.  இந்நிலையில் 5 நாட்கள் விண்வெளிப் பயணத்தை முடித்துக் கொண்டு ஸ்பேஸ் எக்ஸ் டிராகன் விண்கலம் 15ம் தேதி  பூமிக்குத் திரும்பியது.

Saturday September 7, 2024

பூமியை வந்தடைந்த ஸ்டார் லைனர் விண்கலம் 

நாசாவின் விண்வெளி வீராங்கனை சுனிதா வில்லியம்ஸ் மற்றும் விண்வெளிவீரர்  புட்ச் வில்மோர்  இருவரும் கடந்த ஜூன் 5ம் தேதி ஸ்டார் லைனர் விண்கலம் மூலம் சர்வசேச விண்வெளி நிலையத்திற்கு சென்றனர். அங்கு ஆய்வுகளை முடித்துக் கொண்டு 8 நாட்களில் பூமிக்குத் திரும்பத்  திட்டமிட்டிருந்த  நிலையில் விண்கலத்தில் ஏற்பட்ட தொழில் நுட்பக் கோளாறு காரணமாக பூமிக்குத் திரும்புவதில் சிக்கல் ஏற்பட்டது. இருவரும் க்ரு டிராகன் விண்கலம் மூலம் வரும் பிப்ரவரி மாதம் பூமிக்குத் திரும்புவார்கள் என  நாசா தெரிவித்திருந்தது. இந்நிலையில் தொழில் நுட்பக் கோளாறு ஏற்பட்ட ஸ்டார் லைனர் விண்கலம் விண்வெளி வீரர்கள் இன்றி இன்று ஏழாம் தேதி காலை நியூ மெக்ஸிகோவில் தரை இறங்கியது  

Friday September 6, 2024

ஒபாமாவின் சகோதரர் டிரம்ப்புக்கு ஆதரவு 

வரும் நவம்பர் மாதம் ஐந்தாம் தேதி நடைபெறவிருக்கும் அமெரிக்க அதிபர் தேர்தலில் ஜனநாயகக் கட்சி சார்பில் கமலா ஹாரிஸ், மற்றும் குடியரசுக் கட்சி சார்பில் முன்னாள் அதிபர் டொனால்டு டிரம்ப் ஆகிய இருவரும் அதிபர் வேட்பாளர்களாகப்  போட்டியிடுகின்றனர். இந்நிலையில் ஜனநாயகக் கட்சியைச் சேர்ந்த முன்னாள் அதிபர் பராக்  ஒபாமாவின்  சகோதரர், மாலிக் ஒபாமா டொனால்டு டிரம்ப்புக்கு எனது ஆதரவு என்று தெரிவித்துள்ளார். இவர் கடந்த  2016ம் ஆண்டு அதிபர் தேர்தலில் டிரம்ப்புக்கு ஆதரவாகப் பேசியிருந்தார் என்பது குறிப்பிடத்  தக்கது. 

Thursday September 5, 2024

"வேற்றுமையில் ஒற்றுமை" தென்கிழக்கு ஆசியாவின் மிகப்பெரிய மசூதியில் உரையாற்றிய  போப் பிரான்சிஸ் 

போப் பிரான்சிஸ் இந்தோனேஷியா , கிழக்கு தைமூர் , பப்புவா நியூ கினியா, சிங்கப்பூர் உட்பட  11 தென் கிழக்கு ஆசிய நாடுகளுக்குச் சுற்றுப்பயணம் மேற்கொண்டுள்ளார்.  இதில் முதற் கட்டமாக இந்தோனேஷியா சென்றுள்ள போப் பிரான்சிஸ் ஐந்தாம் தேதி வியாழக்கிழமை,  இந்தோனேஷியாவின் ஜகார்த்தாவில் உள்ள தென்கிழக்கு ஆசியாவின் மிகப்பெரிய மசூதியான இஸ்திக்லால் மசூதிக்குச் சென்று பார்வையிட்டு மசூதியில் உரையாற்றினார். அப்போது அவர் கூறியதாவது, ஆழமாகப் பார்த்தால்  நம்முடைய வேறுபாடுகளைத் தாண்டி நாம் அனைவரும் சகோதரர்கள், யாத்ரீகர்கள். அனைவரும் கடவுளை நோக்கி செல்கிறோம் என்பதை அறியலாம். யுத்தங்கள்,  மோதல்கள், தீவிரமான நெருக்கடிகளை நிவர்த்தி செய்யும் பொறுப்பை நாங்கள் எடுத்துக் கொள்கிறோம். சுற்றுச் சூழல் நெருக்கடி மக்களின் வளர்ச்சிக்கும் , சக வாழ்வுக்கும் தடையாக உள்ளது என்று கூறினார்.  

Wednesday September 4, 2024

பாரா ஒலிம்பிக் வரலாற்றில் முதல்முறையாக 20 பதக்கங்கள் வென்று  இந்தியா சாதனை 

பிரான்ஸ் தலைநகர் பாரிஸில் நடந்துவரும்  மாற்றுத் திறனாளிகளுக்கான பதினேழாவது பாரா  ஒலிம்பிக் போட்டியில் இந்தியா சார்பில் 84 வீரர் வீராங்கனைகள் பங்கேற்று விளையாடுகின்றனர். இதுவரை நடந்த  போட்டிகளில் 3 தங்கம், 7 வெள்ளி, 10 வெண்கலம் என மொத்தம் 20 பதக்கங்களை இந்தியா வென்றுள்ளது. இதன் மூலம் பாரா ஒலிம்பிக் வரலாற்றில் முதல் முறையாக 20 பதக்கங்களை வென்று இந்தியா சாதனை படைத்துள்ளது. கடந்த 2020ம் ஆண்டு டோக்கியோ பாரா ஒலிம்பிக்கில் இந்தியா 19 பதக்கங்களை  வென்றது குறிப்பிடத்தக்கது.

Tuesday September 3, 2024

பிணைக் கைதிகளை உயிருடன் மீட்க முடியாததற்கு மன்னிப்புக் கோரிய  நேத்தன்யாஹூ 

கடந்த ஆண்டு அக்டோபர் ஏழாம்  தேதி ஹமாஸ் அமைப்பினர் இஸ்ரேலில் தாக்குதல் நடத்தி 250 இஸ்ரேலியர்களை பிணைக் கைதிகளாகப் பிடித்துச் சென்றனர்.  இதில் பாதிக்கு மேற்பட்டோரை இஸ்ரேல் படையினர் மீட்ட நிலையில், அண்மையில் ஆறு பணயக் கைதிகள் உயிரிழந்த நிலையில் இஸ்ரேலிய ராணுவத்தால் மீட்கப் பட்டனர். பிணைக் கைதிகளை உயிருடன் மீட்கத்  தவறி விட்டதாக இஸ்ரேலில் பல இடங்களில் மக்கள் போராட்டம் நடத்தி வருகின்றனர். இந்நிலையில் பிணைக் கைதிகளை உயிருடன் மீட்க முடியாமல் போனதற்கு உங்கள் அனைவரிடமும் மன்னிப்புக் கோருகிறேன் என்று  இஸ்ரேல் பிரதமர் பெஞ்சமின் நேத்தன்யாஹூ  கேட்டுக்கொண்டுள்ளார். 

Monday September 2, 2024

அயலகத்தில் இருக்கிறேன் என்ற உணர்வே எழவில்லை என முதல்வர் ஸ்டாலின் பதிவு 

தமிழகத்திற்கு முதலீடுகளை ஈர்ப்பதற்காக அமெரிக்கா வந்துள்ள தமிழக முதல்வர் ஸ்டாலின், அமெரிக்கா வாழ் தமிழர்களைச் சந்தித்து உரையாடினார்.  இதுகுறித்து அவர்  X  வலைத்தளத்தில் வெளியிட்டுள்ள செய்தியில் தெரிவித்திருப்பதாவது, அன்னை மண்ணைப் பிரிந்து அயலகத்தில் இருக்கிறன் என்ற உணர்வே எழாத வகையில் வாஞ்சையோடு எனனை அணைத்துக் கொள்ளும் நம் உறவுகள் தங்களது உழைப்பாலும், அறிவாலும் வாய்ப்புக்களை அமைத்துக்கொண்டு அமெரிக்க நாட்டில்  உயர்ந்து கொண்டிருக்கும் இவர்களுக்கு அன்பும், நன்றியும் எனக்  குறி ப்பிட்டுள்ளார். 

Sunday September 1, 2024

உழைப்பு திறமை தன்னம்பிக்கையால் உயர்ந்த இந்தியர்கள் - முதல்வர் ஸ்டாலின் உரை 

அமெரிக்கா வந்துள்ள தமிழக  முதல்வர் ஸ்டாலின் சான்பிரான்ஸிஸ்கோவில்  நடந்த  தமிழ் நிகழ்ச்சியில் பேசும்போது, உழைப்பு திறமை தன்னம்பிக்கையால்  இந்திய வம்சா வழியினர் உயர்ந்துள்ளனர் என்றும், பல்வேறு மொழிகள் பேசி இந்திய மக்கள்  அமெரிக்காவில் பரந்து  விரிந்துள்ளனர் என்றும் கூறினார். அமெரிக்கா மற்றும் இந்தியா இடையிலான நட்பு பல்லாண்டு காலமாக தொடர்ந்து வருகிறது என்றும் , வர்த்தகம், பொருளாதாரம் உள்ளிட்டவற்றில் நல்லுறவு தொடர்கிறது என்றும் கூறிய முதல்வர் ஸ்டாலின், அமெரிக்கா இந்தியா இடையிலான வர்த்தகம் மும்மடங்கு உயர்ந்துள்ளது என்றும், அமெரிக்காவிலிருந்து நிறைய நிறுவனங்கள் தமிழ்நாட்டில் தொழில் தொடங்க முன்வந்துள்ளது என்றும் கூறினார்.

Saturday August 31, 2024

இந்தியாவில் ஏப்ரல் முதல் ஜூலை வரையில் 81லட்சம் கோடி ரூபாய்க்கு பணப் பரிவர்த்தனை 

இந்தியாவில் கடந்த 2016ம் ஆண்டு யு.பி.ஐ பணப்  பரிவர்த்தனை அறிமுகப்படுத்தப்பட்டது. தற்போது இந்தியாவின் அனைத்துத் தரப்பு

மக்களின் வாழக்கையில்  ஆன்லைன் பரிவர்த்தனைகள் முக்கிய பங்காக மாறிவிட்டது. கடந்த 2023ம் ஆண்டு டிசம்பர் மாதத்தில்  சுமார்  1200 கோடி ரூபாய்  யு.பி.ஐ பணப்  பரிவர்த்தனைகள் நடந்தன. இந்நிலையில் கடந்த ஏப்ரல் மாதம் முதல் ஜூலை  மாதம் வரையில் 81லட்சம் கோடி ரூபாய்க்கு யு.பி.ஐ  பணப் பரிவர்த்தனை நடந்துள்ளது என்று நேஷனல்  பேமென்ட்ஸ் கார்பொரேஷன் ஆப் இந்தியா  (National Payments Corporation of India ) நிறுவனத்தின் தலைமை நிர்வாக அதிகாரி தெரிவித்துள்ளார்.

Friday August  30,  2024

சென்னை மாநிலத்தில்  வீடுகளில் நூலகம் வைத்திருப்போர் விருது பெற விண்ணப்பிக்கலாம் 

தமிழக அரசு வீடுகள் தோறும் நூலகம் அமைக்க  வேண்டும்  என்பதற்காக மாவட்டம் தோறும் புத்தகத் திருவிழாக்களை நடத்தி வருகிறது. இந்நிலையில் வீடுகளில் நூலகம் அமைத்து சிறப்பாக நடத்தி வரும் தனி நபருக்கு விருது, ரூபாய் 3000 மதிப்பிலான கேடயம் மற்றும் சான்றிதழ் வழங்கப்பட உள்ளது. இந்த விருதுக்கு விரும்புவோர் DLOchennai@gmail.com என்ற ஈமெயில் முகவரிக்கு விண்ணப்பிக்கலாம் என மாவட்ட அலுவலக நூலகரால் தெரிவிக்கப் பட்டுள்ளது. 

Thursday August  29,  2024

அமெரிக்கா வந்துள்ள தமிழக முதல்வருக்கு உற்சாக வரவேற்பு 

தமிழ் நாட்டிற்கு தொழில் முதலீடுகளை ஈர்க்க தமிழக முதல்வர் ஸ்டாலின் அமெரிக்காவுக்கு வருகை  தந்துள்ளார். 28ம் தேதி மாலை சான் பிரான்ஸிஸ்கோ விமான நிலையம் வந்தடைந்த முதல்வர் ஸ்டாலினுக்கு சான்பிரான்ஸிஸ்கோவிற்கான இந்திய தூதர் ரெட்டி, மற்றும் தமிழக தொழித்துறை அமைச்சர் d .R. v. ராஜா மற்றும் அமெரிக்காவாலழ்  தமிழர்கள் உற்சாக வரவேற்பு அளித்தனர். இது குறித்து முதல்வர் ஸ்டாலின்  வெளியிட்டுள்ள பதிவில், தமிழ் நாட்டின் வளர்ச்சிக்கு ஆதரவு  ஈட்ட வாய்ப்புகளின் பூமியான அமெரிக்காவில் இருக்கிறேன் என்று பதிவிட்டுள்ளார். சான்பிரான்ஸிஸ்கோவில் 29ம் தேதி நடக்கும் முதலீட்டாளர்கள் மாநாட்டில் முதல்வர் ஸ்டாலின் உரையாற்றுகிறார். 

Tuesday,  August 27, 2024

 டொனால்ட் டிரம்ப்  அதிபராகத் தேர்ந்தெடுக்கப் பட்டால் அமெரிக்காவைக்  காப்பாற்றுவார்  -  இலான் மஸ்க் 

அமெரிக்காவில் வரும் நவம்பர் ஐந்தாம் தேதி நடக்கவிருக்கும் அதிபர் தேர்தலில் ஜனநாயகக் கட்சி வேட்பாளராக கமலா ஹாரிஸ், மற்றும்  குடியரசுக் கட்சி வேட்பாளராக முன்ன்னாள் அதிபர்  டொனால்ட்  டிரம்ப் இருவரும்  களமிறங்கியுள்ளனர். இந்நிலையில் டிரம்ப்புக்கு ஆதரவாக  இலான் மஸ்க் வெளியிட்டுள்ள எக்ஸ் தளப்பதிவில்  டொனால்ட்  டிரம்ப்  அதிபராகத் தேர்ந்தெடுக்கப் பட்டால் ஜனநாயகத்தையும், அமெரிக்காவையும் காப்பாற்றுவார் என்றும்,  எனது வார்த்தைகளைக் குறித்து வைத்துக் கொள்ளுங்கள் எனவும்  தெரிவித்துள்ளார். 

Monday August 26, 2024

தமிழக முதலவர் வரும் 27ம் தேதி அமெரிக்கா வருகை 

அமெரிக்காவிலிருந்து தமிழகத்திற்குத்  தொழில் முதலீடுகளைப்  பெறுவதற்காக ,  தமிழக முதல்வர் மு.க.ஸ்டாலின் வரும் 27ம் தேதி  அமெரிக்கா வருகிறார்,  அமெரிக்கப் பயணம் மேற்கொள்ளும்முதல்வர் இங்கு செப்டம்பர் 12ம் தேதி வரை17 நாட்கள் பல்வேறு நிகழ்ச்சிகளில் கலந்து கொள்கிறார். 

Sunday August 25, 2024

சுனிதா வில்லியம்ஸ் பிப்ரவரியில் பூமிக்குத் திரும்புவார்  - நாசா அறிவிப்பு 

நாசாவின் விண்வெளி வீராங்கனை சுனிதா வில்லியம்ஸ் மற்றும் புட்ச் வில்மோர் இருவரும் கடந்த ஜூன் ஐந்தாம் தேதி  விண்வெளி ஆய்வு மையத்திற்கு சென்றனர். அங்கு ஆய்வுகளை முடித்துக் கொண்டு எட்டு நாட்களில் பூமிக்குத் திரும்பத் திட்டமிட்டிருந்தனர்.  ஆனால் ஸ்டார் லைனர் விண்கலத்தில் ஏற்பட்ட தொழில் நுட்பக் கோளாறு காரணமாக இருவரும் பூமிக்குத் திரும்புவதில் சிக்கல் ஏற்பட்டது. இருவரும் ஏறக்குறைய 80 நாட்கள் விண்வெளி ஆய்வு மயத்தில் உள்ளனர். இந்நிலையில்  ஸ்டார் லைனர்  விண்கலம் மூலம் விண்வெளிக்குச் சென்ற  சுனிதா வில்லியம்ஸ் மற்றும் புட்ச் வில்மோர் இருவரும், ஸ்பேஸ் எக்ஸ் நிறுவனத்திற்கு சொந்தமான க்ரூ  டிராகன் விண்கலம் மூலம்  அடுத்த ஆண்டு பிப்ரவரி மாதம் பூமிக்குத் திரும்புவார்கள் என நாசா அறிவித்துள்ளது 

Saturday August 24, 2024

போட்ஸ்வானா  நாட்டில் கண்டெடுக்கப் மிகப் பெரிய வைரம் 

வைர உற்பத்தியில் முன்னணி நாடுகளில் ஒன்றான ஆப்ரிக்க நாடான  போட்ஸ்வானாவவில் இந்த நூற்றாண்டின் மிகப் பெரிய வைரம் 

கணடெடுக்கப் பட்டது. கனடா நாட்டைச் சேர்ந்த  லூகாரா டைமண்ட் நிறுவனத்துக்கு சொந்தமான ஒரு சுரங்கத்தில் இருந்து வைரத்தைத் தோண்டும்போது  2492 காரட்  வைரம் கண்டெடுக்கப் பட்டது. இது உலகின் 2ஆவது மிகப் பெரிய வைரமாக கருதப்படுகிறது. 

Friday August 23,, 2024

ஆசியாவிலேயே பணக்கார கிராமம் இந்தியாவில் உள்ளது. 

ஆசியாவிலேயே பணக்கார கிராமம் இந்தியாவின் குஜராத் மாநிலத்தின் புஜின் நகரில் உள்ள மாதாபர் கிராமம் என்று ஆய்வு ஒன்றில் தெரிய வந்துள்ளது. இந்த கிராமத்தில் உள்ள 32,000 பேர் மொத்தம் 7,000 கோடி  ரூபாயை இங்குள்ள வங்கிக் கிளைகளில் டெப்பாசிட் செய்துள்ளனர். இந்த கிராமத்தைச் சேர்ந்த 1,200 குடும்பங்கள்  வெளிநாட்டில் வசிக்கின்றனர்.  ஒவ்வொரு தனி நபருக்கும் சராசரி டெப்பாசிட்  தொகையாக 15 லட்சம் ருபாய் இருக்கிறது. 

Thursday August 22, 2024

385 வது  சென்னை தினம் - முதல்வர் ஸ்டாலின் வாழ்த்து 

சென்னை நகரம் உருவாகி  இந்த ஆண்டு ஆகஸ்ட்22ம் தேதியுடன் 385 ஆண்டுகள் ஆகிறது.  2004ம் ஆண்டு  முதல் சென்னை தினத்தைக் கொண்டாடும் பழக்கம்  தொடங்கியது.  சென்னை தினத்தை  முன்னிட்டு  தமிழக முதல்வர் ஸ்டாலின் தனது  X தளத்தில் ,  சென்னை நிலமாக மட்டுமல்ல இந்த நிலத்தின் மீது வாழும் ஒவ்வொரு மனிதரின் உயிராகவும் இருக்கிறது. வாழ்வு தேடி வந்த பலருக்கும் வசந்தத்தை வழங்கிட வா...என்று தன்  மடியோடு ஏந்திக் கொண்ட தாய் சென்னை. இந்த தர்மமிகு சென்னையே நமது சமத்துவபுறம், பல கனவுகளை வெற்றிக் கதைகளாக எழுதிய, எழுதும்  நம் சென்னையைக் கொண்டாடுவோம் என்று பதிவிட்டுள்ளார். 

Wednesday August 21,  2024

போர் நிறுத்தப் பேச்சு வார்த்தை தோல்வி - ப்ளிங்கன்  நாடு திரும்பினார்.

இஸ்ரேல் ஹமாஸ் இடையிலான போர் நிறுத்தத்திற்கு அமெரிக்கா, எகிப்து, மற்றும் கத்தார் நாடுகள்முயற்சி செய்து வருகின்றன.  இது தொடர்பாகப்  பேச்சு வார்த்தை நடத்த அமெரிக்காவின் பரிந்துரையுடன், அமெரிக்க வெளியுறவுத் துறை அமைச்சர் ஆண்டனி  ப்ளிங்கன் மத்திய கிழக்கு நாடுகளுக்கு வருகை புரிந்து இஸ்ரேலுடன் நடத்திய பேச்சு வார்த்தையில் இஸ்ரேல் போர் நிறுத்தத்திற்கு ஒப்புக்கொண்டது.  ஆனால் ஹமாஸ் அமைப்பினர் அமெரிக்கப் பரிந்துரைகளை ஏற்றுக் கொள்ள மறுத்து ஒப்பந்தத்தில் கையெழுத்து இடவில்லை.  இஸ்ரேலின்  புதிய நிபந்தனைகளுக்கு அமெரிக்கா இணங்குகிறது  என  ஹமாஸ் அமைப்பினர் குற்றம் சாட்டியுள்ளதால் போர் நிறுத்தத்தை உறுதி செய்ய முடியாமல் ஆண்டனி  ப்ளிங்கன் நாடு திரும்பினார்

Tuesday August 20, 2024

ஒலிம்பிக்கில் வெண்கலப் பதக்கம் வென்ற ஸ்ரீஜேஷுக்கு 2 கோடி ரூபாய் பரிசு அறிவித்த கேரள அரசு 

பாரிஸில்  நடந்து முடிந்த 33வது ஒலிம்பிக்கில்  ஹாக்கிப் போட்டியில் இந்திய அணி ஸ்பெயின் அணியை எதிர்கொண்டது. இதில் இந்திய அணி இரண்டுக்கு ஓன்று என்ற புள்ளிக் கணக்கில் வெற்றி பெற்று வெண்கலப் பதக்கம் வென்றது. இந்த ஹாக்கிப் போட்டியின் கோல் கீப்பராக விளையாடிய கேரளாவைச் சேர்ந்த பி.ஆர்.ஸ்ரீஜேஷுக்கு இரண்டு கோடி ரூபாய் பரிசுத் தொகை  வழங்குவதாகக் கேரள அரசு அறிவித்துள்ளது. 

Saturday August 17,2023

குலசேகரன் பட்டினத்தில் ராக்கெட் ஏவுதளம் இரண்டு ஆண்டுகளில் செயல் பாட்டிற்கு வரும் - இஸ்ரோ தலைவர் தகவல் 

இஸ்ரோ தலைவர் சோமநாத் அளித்த பேட்டியில் SSLV-D3 ராக்கெட் வெற்றிகரமாக செயல் படுத்தப் பட்டதால் அது இனி வணிக ரீதியாக செயல் படுத்தப் படும் என்றும், மனிதர்க்களை  விண்ணிற்கு அனுப்பும் சுகன்யான் திட்டம் அடுத்த ஆண்டு செயல் படுத்தப் படும் என்றும் அதற்கு முன்னதாக ஆளில்லா ராக்கெட் திட்டம் வரும் டிசம்பரில் செயல் படுத்தப் படும் என்றும் கூறினார்.  அவர் மேலும் கூறுகையில் தூத்துக்குடி மாவட்டம்  குலசேகரன் பட்டினத்தில் ராக்கெட் ஏவு தளம் அடுத்த இரண்டு ஆண்டுகளில் செயல் பாட்டிற்கு வரும் என்றும் கூறினார்.

Friday August 16, 2024

ஏழாவது முறையாக தேசிய விருது பெற்ற AR ரஹ்மான் 

டெல்லியில் 2022 ம் ஆண்டிற்கான எழுபதாவது தேசிய திரைப்பட விருது வழங்கும் விழா நடைபெற்று வருகிறது. இதில் பொன்னியின் செல்வன்1 திறப்பு படத்திற்காக சிறந்த இசையமைப்பை வழங்கிய இசை அமைப்பாளர் AR ரஹ்மானுக்கு தேசிய விருது அறிவிக்கப்பட்டுள்ளது. இதன் மூலம் AR ரஹ்மான் ஏழு முறை தேசிய விருது பெற்று சாதனை படைத்துள்ளார். 

Thursday ஆகஸ்ட் 15,2024

ஆந்திராவில் ஐந்து ரூபாய் உணவகம் திறப்பு 

ஆந்திராவில்  நடந்து முடிந்த தேர்தலுக்காக வெளியிடப்பட்ட தேர்தல் அறிக்கையில் ஆட்சிக்கு வந்தால் ஐந்து  ரூபாய் அண்ணா கான்டீன்கள் திறக்கப்படும் என முதல்வர் சந்திரபாபு நாயுடு அறிவித்திருந்தார். அதன்படி 15ம் தேதி வியாழக்கிழமை ஆந்திராவில் 14 மாவட்டங்களில் அண்ணா கான்டீன்கள் திறக்கப்பட்டன. இந்த கான்டீன்களில் மூன்று வேளையும் ஐந்து ரூபாய்க்கு அறுசுவை உணவு வழங்கப்படுகிறது. இந்த கான்டீன்களில் ஒரு நாளைக்கு ஒரு லட்சம் பேர் வரை உணவு சாப்பிடுவார்கள் என்றும், மாநிலம் முழுவதும் இன்னும் பல இடங்களில் அண்ணா கான்டீன்கள் திறக்கப் படும் என்றும் அதிகாரிகள் தெரிவித்துள்ளனர். 

Wednesday August 14, 2024

ரஷ்யாவின் மூன்று மாகாணங்களிலிருந்து வெளியேற இந்தியரக்ளுக்கு தூதரகம் அறிவுரை 

ரஷ்யாவின் குர்ஸ்க் மாகாணத்தில் உக்ரேன் ராணுவம் ஊடுருவலைத் தொடங்கி இருப்பதாக உக்ரேன் அதிபர் ஜெலென்ஸ்கி  அறிவித்திருந்தார். இந்நிலையில் மாஸ்கோவில் உள்ள இந்திய தூதரகம் வெளியிட்டுள்ள அறிவிப்பில் தெரிவித்திருப்பதாவது, சமீபத்திய சம்பவங்களைக் கருத்தில் கொண்டு ரஷ்ய நகரங்களான பிரையன்ஸ்க், பெல்கோரோடில், மற்றும் குர்ஸ்க்   மாகாணங்களில் வசிக்கும்  இந்தியக் குடிமக்கள் தேவையான முன்னெச்சரிக்கை நடவடிக்கைகளை எடுக்கவும், இப்பகுதிகளிலிருந்து தற்காலிகமாக வெளியேறவும் அறிவுறுத்தப் படுகிறார்கள் என்று தெரிவிக்கப்பட்டுள்ளது. அவசரத் தேவைகளுக்கான தொலை பேசி எண்ணெயும், மின்னஞ்சல் முகவரியையும் இத்துடன் அறிவித்திருக்கிறது.  

Tuesday August 13, 2024

செவ்வாய் கிரகத்தில் திரவ நிலை நீர் தேக்கம் கண்டுபிடிப்பு 

செவ்வாய்க் கிரகத்தில் திரவ நிலை நீர் தேக்கம் உள்ளது கண்டுபிடிக்கப்பட்டுள்ளது. நாசாவின் இன்சைட் லாண்டர் (Insight Lander) மூலம் நடத்தப்பட்ட ஆய்வில்  இது தெரிய வந்துள்ளது. செவ்வாய் கிரகத்தில் மேற்பரப்புக்கு அடியில் ஆழமாக மறைந்து இருக்கும்  திரவ நிலையிலான ஒரு பெரிய நீர்த்தேக்கம் உலகளாவிய கடலில் முழு கிரகத்தையும் உள்ளடக்கும் அளவுக்கு அமைந்துள்ளது எனவும் மேற்பரப்பிலிருந்து சுமார் 7.2 முதல், 12. 4 மைல்கள்வரை அமைந்துள்ள இந்த நீர்த்தேக்கம் உறைந்த பாறைகளுக்கு  இடையில் தேங்கி நிற்கிறது எனவும், இதில் திரவ நிலையைத் தக்க வைக்கும் அளவுக்கு வெப்பநிலை இருக்கும் எனவும் ஆய்வில் கண்டுபிடிக்கப் பட்டுள்ளது. இது தொடர்பான புகைப்படங்களை நாசா வெளியிட்டுள்ளது 

Monday August 12, 2024

இந்தியாவின் சிறந்த கல்வி நிறுவனமாக ஆறாவது முறையாக சென்னை ஐ.ஐ.டி  முதலிடம் 

மத்திய கல்வி அமைச்சகம் 2024ம் ஆண்டிற்கான கல்வி நிறுவனங்களின் தர வரிசைப் பட்டியலை வெளியிட்டுள்ளது. இதில் சென்னை ஐ.ஐ.டி முதலிடம் பெற்றுள்ளது. தொடர்ந்து ஆறாவது முறையாக சென்னை ஐ.ஐ.டி  முதலிடம் பிடித்துள்ளது. பெங்களூரு இந்திய அறிவியல் நிறுவனம் இரண்டாவது இடத்தையும், மும்பை ஐ.ஐ.டி. மூன்றாவது இடத்தையும், டெல்லி ஐ.ஐ.டி நான்காவது இடத்தையும்,  கான்பூர்  ஐ.ஐ.டி  ஐந்தாவது  இடத்தையும் பிடித்துள்ளன. 

Sunday August 11, 2024

பாரிஸ் ஒலிம்பிக் போட்டி நிறைவடைந்தது. அதிக பதக்கங்களைப்  பெற்று அமெரிக்கா முதலிடம் 

பிரான்ஸ் தலை நகர் பாரிசில் கடந்த மாதம் 26ம் தேதி தொடங்கிய 33வது  ஒலிம்பிக் போட்டிகள் இன்று 11ம் தேதி ஞாயிற்றுக் கிழமையுடன்  நிறைவடைந்தது. இந்த ஒலிம்பிக் போட்டியில் 40 தங்கம், 44 வெள்ளி, மற்றும் 42 வெண்கலம் என மொத்தம் 126 பதக்கங்களைப் பெற்று அமெரிக்கா முதலிடம் பிடித்தது. இரண்டாம் இடத்தைப் பிடித்த சைனா, 40 தங்கம், 27 வெள்ளி, 24 வெண்கலம் என மொத்தம் 91 பதக்கங்களை  வென்றது. 20 தங்கம், 12 வெள்ளி, 13 வெண்கலம் என மொத்தம் 45 பதக்கங்களைப் பெற்று ஜப்பான் மூன்றாவது இடத்தை பிடித்தது.  18 தங்கம், 19 வெள்ளி, 16 வெண்கலம் என 53 பதக்கங்களை வென்ற ஆஸ்திரேலியா நான்காவது இடத்தைப் பிடித்தது. 

Saturday August 10,2024

ஒலிம்பிக் மல்யுத்தப் போட்டியில்  இந்தியாவுக்கு வெண்கலப் பதக்கம் 

பார்ஸில் நடந்து வரும் ஒலிம்பிக் போட்டிகளில் ஒன்பதாம் தேதி வெள்ளிக்கிழமை  நடந்த 57 கிலோ பிரிவு  மல்யுத்தப் போட்டியில்  போட்டியில் இந்தியாவின் அமன் ஷராவத்  வெண்கலப் பதக்கம் வென்றார். இந்தப் போட்டியில் அமன் ஷராவத், போர்டோரிக்கோ வீரர் டேனியல் குருஸ்  என்பவரை எதிர்கொண்டார். தலா மூன்று நிமிடங்கள் கொண்ட இரண்டு பீரியட் ஆக நடந்த இந்தப் போட்டியில் அமன் ஷராவத் 13க்கு 5 என்ற கணக்கில்  டேனியேலை வீழ்த்தி வெண்கலப் பதக்கம் வென்றார். 

Friday August 9, 2024

முன்னாள் அதிபர் டொனால்ட் டிரம்ப் கமலா ஹாரிஸ் இடையே அடுத்த மாதம் 10ம் தேதி நேரடி  விவாதம் 

வரும் நவம்பர் மாதம் நடக்கவிருக்கும்  அதிபர் தேர்தலில் ஜனனநாயகக் கட்சி சார்பில்  கமலா ஹாரிஸ், மற்றும்  குடியரசுக் கட்சி சார்பில் முன்னாள் அதிபர் டொனால்ட் டிரம்ப்  ஆகிய இருவரும் போட்டியிடுகிறார்கள். இந்நிலையில் கமலா ஹாரிஸ் மற்றும் டிரம்ப் இடையே நேரடி விவாத நிகழ்ச்சி அடுத்த மாதம் பத்தாம் தேதி நடைபெற உள்ளதாக அறிவிக்கப் பட்டுள்ளது. இது  குறித்து முன்னாள் அதிபர் டிரம்ப் கூறும்போது விவாதங்களை நடத்துவது மிகவும் முக்கியம் என்றும் நான் விவாதங்களை எதிநோக்குகிறேன் ஏனென்றால் நமது சாதனை மக்களைச்  சென்றடைய வேண்டும் என்று நினைக்கிறன் என்றும் அவர் கூறினார். 

Thursday August 8,2024

ஒலிம்பிக்கில் தொடர்ச்சியாக ஐந்து முறை தங்கம் வென்று கியூபா வீரர் சாதனை 

பிரான்ஸ் தலைநகர் பாரிசில் நடந்துவரும் இந்த ஆண்டுக்கான ஒலிம்பிக் போட்டியில் 130 கிலோ எடைப்பிரிவு மல்யுத்தத்தில்  கியூபா வீரர் மிஜான் லோபஸ்,  சிலி நாட்டு வீரரை ஆறுக்குப் பூஜ்யம் என்ற கணக்கில் வீழ்த்தி தங்கப் பதக்கம் வென்றார். இதன் மூலம் ஒலிம்பிக் வரலாற்றில் தொடர்ச்சியாக ஐந்து முறை தங்கப் பதக்கம் வென்ற முதல் வீரர் என்ற புதிய உலக சாதனையைப் படைத்துள்ளார். இவர் முதன்முறையாக 2008ல் பெய்ஜிங் ஒலிம்பிக்கில் தங்கப் பதக்கமும், 2012ல் லண்டன் ஒலிம்பிக்கில் தங்கப் பதக்கமும், 2016ல் ரியோ ஒலிம்பிக்கில் தங்கப் பதக்கமும், 2020ல் டோக்கியோவில் நடந்த ஒலிம்பிக்கில் தங்கப் பதக்கமும், தற்போது பாரிசில் நடை பெற்று வரும் 2024 ஒலிம்பிக்கில் தங்கப் பதக்கமும் என ஐந்து  முறை தங்கப் பதக்கம் வென்றுள்ளார். 

Wednesday August 7, 2024

வங்க தேசத்தில் இடைக்கால அரசு எட்டாம் தேதி பதவியேற்பு 

வங்க தேசத்தில் இட  ஒதுக்கீடு தொடர்பாக மாணவர்கள் நடத்திய போராட்டத்தால் பிரதமர் ஷேக் ஹசீனா பதவியை ராஜினாமா செய்துவிட்டு இந்தியாவில் தஞ்சமடைந்தார். இந்நிலையில் முப்படைகளின் தளபதிகள் மற்றும் மாணவர் குழுவின் பிரதிநிதிகளுடன் பேச்சு நடத்திய வங்க தேச அதிபர் நோபல் பரிசு பெற்ற  பொருளாதார நிபுணர் முஹம்மது யூனுஸை இடைக் கால அரசின் தலைவராக நியமிக்க  முடிவு செய்தார். இதைத் தொடர்ந்து எட்டாம் தேதி  வியாழக்கிழமை வாங்க தேசத்தில் முஹம்மது யூனுஸ்  தலைமையிலான இடைகாலஅரசு பதவி ஏற்கும் என ராணுவத்  தளபதி வக்கார்  ஜமோன் தெரிவித்துள்ளார். 

Tuesday August 6, 2024

யு.பி.ஐ பணப்  பரிவர்த்தனையில் பயோமெட்ரிக் முறை விரைவில் அறிமுகம் 

பணப்  பரிவர்த்தனயில் தற்போது உபயோகத்தில் இருக்கும் g pay, phone pay போன்ற யு.பி.ஐ  செயலிகளில் பாதுகாப்பிற்காக தற்போது பின் (பின்) நம்பர்கள் பெறப்படுகின்றன. இதற்குப் பதிலாக பயோ மெட்ரிக் முறைகளைப்  பயன்படுத்த NPCI முடிவு செய்துள்ளதாக தகவல் வெளியாகி  உள்ளது.  இதற்கான முயற்சிகள் நடை பெற்றுக் கொண்டிருகின்றன. இன்னும் சில மாதங்க்ளில் விறல் ரேகை, முகம், கண் கருவிழி ஆகிய்வற்றைக் கொண்டு யு.பி.ஐ பணப்  பரிவர்த்தனை செய்ய முடியும் என்று எதிபார்க்கப் படுகிறது. 

Monday August 5, 2024

இஸ்ரேல் ஈரான் இடையே போர் மூளும் அபாயம் 

ஈரானும் அதன் நட்பு நா

Monday Feb19, 2024

உலகின் சக்தி வாய்ந்த பாஸ்போர்ட் 

உலகின் சக்தி வாய்ந்த பாஸ்போர்ட் பட்டியலை ஹென்லி  பாஸ்போர்ட் இன்டெக்ஸ் வெளியிட்டு வருகிறது.  இதில் பிரான்ஸ் முதல் இடத்தில உள்ளது.  ஜேர்மனி, இத்தாலி, ஜப்பான் சிங்கப்பூர் மற்றும் ஸ்பெயின் நாடுகளின் பாஸ்போர்ட் அடுத்தடுத்த இடங்களைப் பிடித்துள்ளன. இந்த நாடுகளின் பாஸ்போர்ட் முலம் விசா இல்லாமல் 194 நாடுகளுக்குப்  பயணம் செய்யலாம். பின்லாந்து, நெதர்லாந்து, ஸ்வீடன் மற்றும் தென் கொரியா நாடுகள் இரண்டாவது இடத்தில் உள்ளன. இந்தப் பட்டியலில் இந்தியா 85வது இடத்தில உள்ளது. 

பிரிட்டனில் உக்ரேன் அகதிகளுக்கு  மேலும் 18 மாதங்கள் விசா நீட்டிப்பு 

கடந்த 2022ம் ஆண்டு பிப்ரவரி மாதம் தொடங்கிய ரஷயா உக்ரேன் இடையிலான போர் இரண்டு ஆண்டுகளாக நீடித்து வருகிறது. இதனால் இரண்டு லட்சத்து எண்பதினாயிரதுக்கும் அதிகமான  உக்ரேன் நாட்டினர் பிரிட்டனில் அகதிகளாகத் தஞ்சமடைந்துள்ளனர். இந்நிலையில் பிரிட்டனில் அகதிகளாகத் தங்கியுள்ள உக்ரேன் நாட்டினருக்கு விசா மேலும் பதினெட்டு மாதங்கள் நீட்டிக்கப் பட்டுள்ளது.  உக்ரேனில் தொடர்ந்து போர் நடந்து வருவதால் பிரிட்டனில் தங்கியுள்ள உக்ரேன் நாட்டவருக்கு நம்பிக்கை அளிக்கும் வகையில் இந்த விசா நீட்டிப்பு அளிக்கப்பட்டுள்ளது என்று பிரிட்டன் குடியேற்றத்துறை அமைச்சர் டாம்  பெஸ்குரோ தெரிவித்தார்.

Sunday Feb 18, 2024

போர் நிறுத்தப் பேச்சுக்கு இடமில்லை  நேத்தன்யாஹூ 

 இஸ்ரேல் ஹமாஸ் இடையேயான போர் நடந்து வரும் நிலையில் போர் நிறுத்தத்தைக் கொண்டு வர கத்தார் மற்றும் எகிப்து நாடுகளின்  

தலையீட்டில் பேச்சு வார்த்தை நடைபெற்றது. இது குறித்து இஸ்ரேல் பிரதமர் பெஞ்சமின் நேத்தன்யாஹூ  கூறும்போது, பாலஸ்தீனத்தை ஒருதலைப் பட்சமாக அங்கீகரிப்பதை இஸ்ரேல் கடுமையாக எதிர்க்கும்.  ஹமாஸுடன் போர் நிறுத்தப் பேச்சு வாரத்தை இல்லை, ஹமாஸ் அமைப்பினரின் கோரிக்கை ஏமாற்றும் வகையில் உள்ளது, அவர்களின் கோரிக்கைகளை ஏற்க முடியாது என்று நேத்தன்யாஹு கூறினார்.

Saturday Feb 17, 2024

தமிழ்நாட்டில் பஞ்சு  மிட்டாய் விற்பனைக்குத் தடை 

தமிழ் நாடு முழுவதும் பஞ்சு மிட்டாய் விற்பனைக்குத் தடைவிதித்து தமிழ் நாடு  அரசு உத்தரவிட்டுள்ளது. இது தொடர்பாக மருத்துவம் மற்றும் மக்கள் ல் நல்வாழ்வுத் துறை அமைச்சர் வெளியிட்டுள்ள அறிக்கையில், பஞ்சு மிட்டாயில்  புற்று நோயை உண்டாக்கும் வேதிப் பொருட்கள் இருப்பது உறுதி செய்யப் பட்டுள்ளதால் தமிழகத்தில் தமிழகத்தில் பஞ்சு மிட்டாய் விற்பனைக்குத் தடை விதிக்கப்பட்டுள்ளது என தெரிவிக்கப் பட்டுள்ளது. இந்நிலையில் தடை செய்யப்பட்ட பஞ்சு மிட்டாய் தமிழகத்தில் விற்பனை செய்யப்படுகிறதா என்பதைக் கண் காணிக்க உணவு பாதுகாப்புத் துறை  அதிகாரிகளுக்கு தமிழக அரசு  உத்தரவிட்டுள்ளது. 

Friday Feb.16, 2024

காசா எல்லையில் புதிய சுவர் எழுப்பும் எகிப்து 

இஸ்ரேல் காஸாவின் ரபா  பகுதியில் தனது இராணுவ நடவடிகைகளை விரிவு படுத்த உள்ள நிலையில் எகிப்து நாடு காஸாவின் எல்லையை ஒட்டிய தனது பிராந்தியப்  பகுதிகளில்சுவர் எழுப்பி வருவதை செயற்கைக் கோள்   வழியாக பெறப்படும் படங்களிலிருந்து   அஸோஸியேட் பிரெஸ் உறுதி செய்துள்ளது. சுவர் எழுப்பி வருவது குறித்து எகிப்து அதிகாரப்பூர்வமான எதையும் அறிவிக்கவில்லை 

Thursday Feb 15, 2024

புற்று நோய்க்கு எதிராக  விரைவில் தடுப்பூசி  - பூட்டின்  அறிவிப்பு 

உலகம் முழுதும் பல அமைப்புகள் புற்று நோய் தடுப்பூசியைக் கண்டு பிடிக்கும் முயற்சியில் தீவிர ஆராய்ச்சியில் ஈடுபட்டு வருகின்றன. இந்நிலையில் ரஷ்ய அதிபர் பூட்டின் மாஸ்கோவில் எதிர்காலத்  தொழில்  நுட்பம் குறித்து உரையாற்றிய போது, எங்கள் ஆரய்ச்சியாளர்கள் புற்று நோய்க்கான தடுப்பூசியைக் கண்டு பிடிக்கும் முயற்சியில் வெற்றியை நெருங்கி விட்டார்கள் என்றும் தனிப்பட்ட வகையில் அவை நோயாளிகளுக்குப்  பயன் படும் வகையில் பொது பயன்பாட்டிற்கு விரைவில் வரும் என  நம்புகிறேன்  என்றும் கூறினார் 

மெட்ரோ ரயில்களில் பயணிக்கும் பெண்களுக்குப்  பாதுகாப்பு ஏற்பாடு 

சென்னை மெட்ரோ ரயிலில் பயணம் செய்யும் பெண்களுக்கு பாதுகாப்பான பயணத்தை வழங்குவதற்காக சென்னை மெட்ரோ  ரயில் நிறுவனம் தற்காப்புக் கலைகளில் பயிற்சி பெற்ற பெண் பாதுகாப்புப் பணியாளர்களைக் கொண்ட பிங்க் ஸ்குவார்ட என்ற பாதுகாப்பு சேவையை இன்று பிப்ரவரி 15ம் தேதி அறிமுகம் செய்துள்ளது. இந்தக் குழுவில் முதற்கட்டமாக இருபத்தி மூன்று  பெண்கள் நியமிக்கப் பட்டுள்ளனர். இவர்கள் மெட்ரோ பயணிகள் அதிகமாகப் பயணிக்கும் ரயில் நிலையங்களில் பணி அமர்த்தப்பட்டுள்ளனர். 

பாலித்  தீவிற்கு சுற்றுலா செல்ல வரி - இந்தோனேசியா அறிவிப்பு 

இந்தோனேசியாவிற்கு சுற்றுலாப் பயணம் செல்பவர்களில் அதிக மக்கள் செல்லும் இடமாக பாலித்  தீவு திகழ்கிறது. ஆஸ்திரேலியா, இந்தியா, சிங்கப்பூர்  மற்றும் சீனாவைச் சேர்ந்தவர்கள்  இங்கு  சுற்றுலாப் பயணம் மேற்கொள்கின்றனர் . இந்நிலையில் பாலித் தீவுக்கு சுற்றுலா வருபவர்கள் பத்து டாலர் சுற்றுலா வரி  கட்டவேண்டும் என்று இந்தோனேசிய அரசு அறிவித்துள்ளது. சுற்றுலா சூழலை பாதுகாக்க வேண்டும் என்பதற்காக இந்த வரி விதிக்கப் படுகிறது என அந்நாட்டு அரசு தெரிவித்துள்ளது  

உலகின் பெரிய பொருளாதாரநாடுகள் பட்டியலில் மூன்றாவது இடத்தை இழந்த ஜப்பான் 

உலகின் பெரிய பொருளாதார நாடுகள் பட்டியலில் அமெரிக்கா முதல் இடத்திலும், சீனா  இரண்டாவது இடத்திலும், ஜப்பான் மூன்றாவது இடத்திலும் இருந்தன. இந்நிலையில் பொருளாதாரத்தில் ஏற்பட்ட மந்த நிலை காரணமாக தற்போது ஜப்பான் மூன்றாவது இடத்திலிருந்து நான்காவது இடத்திற்கு சென்றுள்ளது . அதேநேரத்தில் ஜெர்மனி மூன்றாவது இடத்திற்கு முன்னேறி உள்ளது. இந்த வரிசையில் இந்தியா ஐந்தாவது இடத்தில் உள்ளது  

Wednesday Feb 14, 2024

இந்தியா  அமெரிக்கா இடையே சிறந்த இராணுவ உறவு - பென்டகன் தகவல் 

இந்திய இராணுவ தலைமைத்  தளபதி அமெரிக்க்காவுக்கு நான்கு நாள் சுற்றுப் பயணம் மேற்கொண்டுள்ளார்.  இந்நிலையில் இரு நாடுகளின் இராணுவ உறவுகள் குறித்து பென்டகனின்  ஊடக துணை செயலாளர் கூறும்போது , நாங்கள் இந்தியாவுடன் சிறந்த இராணுவ ஊறவைக் கொண்டுள்ளோம் என்றும், நாங்கள் இந்தியாவில் என்ன நடந்து கொண்டிருக்கிறது என தொடர்ந்து கண்காணித்து வருகிறோம் என்றும் கூறினார். இந்திய இராணுவ தலைமைத் தளபதி, அமெரிக்க இராணுவ தலைமைத்  தளபதியுடன் உயர் மட்ட ஆலோசனைகளை மேற்கொள்வார் என்று மத்திய பாதுகாப்பு அமைச்சகம் தெரிவித்துள்ளது.

சாம்பல் புதன் - தேவாலங்களில் சிறப்புப் பிரார்த்தனை 

இயேசு சிலுவையில் அறையப் பட்டதை நினைவு கூறும் வகையில் கிறிஸ்தவர்களால் தவக்காலம் கடை பிடிக்கப் படுகிறது. இந்த தவக்காலத்தின் தொடக்க நிகழ்வாக சாம்பல் புதன் அனுசரிக்கப் படுகிறது. சாம்பல் புதனை முன்னிட்டு இன்று உலகெங்கினும் தேவாலங்களில் பிரார்த்தனை  நிகழ்ச்சிகள் நடைபெற்றன

Tuesday Feb 13, 2024

பெண் நீதிபதியான பழங்குடி பெண்ணிற்கு முதல்வர் வாழ்த்து

திருவண்ணாமலை புலியூர் மலை கிராமத்தைச் சேர்ந்த 23 வயதான ஸ்ரீமதி என்ற பெண் பிஏ, பி எல் சட்டப் படிப்பை முடித்து  சிவில் நீதிபதித் தேர்வில்  வெற்றி பெற்று நீதிபதி ஆகியுள்ளார். அவருக்கு தமிழக முதல்வர் மு க ஸ்டாலின் பாராட்டு தெரிவித்து வெளியிட்ட அறிக்கையில், பெரிய வசதிகள் இல்லாத மலை கிராமத்தைச் சேர்ந்த பழங்குடி பெண் ஒருவர் இளம் வயதிலேயே இந்நிலையை எட்டியிருப்பதைக்  கண்டு மகிழ்ச்சி அடைகிறேன் என்று தெரிவித்துள்ளார்  

பாகிஸ்தானில் அமையும் எந்த அரசுடனும் இணைந்து பணியாற்றத் தயார்-அமெரிக்கா 

பாகிஸ்தானில் கடந்த வாரம் நடந்த பொதுத்  தேர்தலில் எந்த கட்சிக்கும் தனி பெரும்பான்மை கிடைக்காததால் ஆட்சி அமைப்பதில் இழுபறி நிலவி வருகிறது. இந்நிலையில் பாகிஸ்தானில் எந்த அரசு அமைந்தாலும் அதனுடன் இணைந்து பணியாற்ற தயாராக உள்ளோம் என அமெரிக்கா தெரிவித்துள்ளது 

Monday Feb 12,2024

கத்தார் நாட்டில் மரண தண்டனை விதிக்கப் பட்ட இந்திய கடற்படை வீரர்கள் விடுதலை 

கத்தார் நாட்டை உளவு பார்த்ததாக  எழுந்த குற்றச்சாட்டில் எட்டு முன்னாள் இந்திய கடற்படை வீரர்களை கத்தார் அரசு கைது செய்து அவர்களுக்கு மரண தண்டனை விதித்தது. இந்நிலையில் இந்திய வெளியரவுத் துறை கத்தார் நாட்டிடம் நடத்திய பேச்சு வார்த்தையின் பயனாக  

எட்டு முன்னாள்  கடற்படை வீரர்களையும்  கத்தார் அரசு விடுதலை செய்தது. விடுதலை செய்யப் பட்ட எட்டு பேரும் 12ம் தேதி திகட்கிழமை புது  டெல்லி வந்து சேர்ந்தனர்.

Sunday Feb 11, 2024

ஜூனியர்  உலகக் கோப்பை கிரிக்கெட் - சாம்பியன் பட்டம் வென்ற ஆஸ்திரேலியா

 தென்னாப்பிரிக்காவில் நடந்தை பதினைந்தாவது  ஜூனியர் உலகக் கோப்பை கிரிக்கெட்டில்  பதினாறு அணிகள் பங்கேற்ற நிலையில் இந்தியாவும் ஆஸ்திரேலியாவும் அரை இறுதிக்குத்   தகுதிபெற்ற நிலையில், இவ்விரு அணிகளுக்கு  இடையிலான இறுதி போட்டி பிப்ரவரி 11ம் தேதி ஞாயிற்றுக்கிழமை பெனோனியில் நடை பெற்றது.  முதலில் விளையாடிய ஆஸ்திரேலியா அணி ஐம்பது ஓவர்கள் முடிவில் ஏழு விக்கெட் இழப்பிற்கு 253 ரன்கள் எடுத்தது . அடுத்து விளையாடிய இந்திய அணி 43.5 ஓவர்களில் அனைத்து விக்கெட்டுகளையும் இழந்து 174 ரன்கள் மட்டுமே எடுத்தது.  இதன் மூலம் ஆஸ்திரேலிய அணி 79 ரன்கள் வித்தியாசத்தில் வென்றி பெற்று சாம்பியன் பட்டதைக் கைப் பற்றியது. 

Saturday Feb 10, 2024

கல்வி கற்க எங்கள் நாடு பாதுகாப்பானது - அமெரிக்கத்  தூதர் 

படிப்பதற்கும் பாதுகாப்பாக இருப்பதற்கும் அமெரிக்கா ஒரு அற்புதமான இடம் என்று இந்தியாவுக்கான அமெரிக்கத் தூதர் எரிக் கூறினார். அவர் மேலும் கூறுகயில் உலகில் உள்ள எந்த நாட்டையும் விட அதிகமான இந்தியர்கள் அமெரிக்காவில் படிக்கின்றனர். கடந்த ஆண்டு இரண்டு லட்சம் விசாக்கள் வழங்கப் பட்டன. கல்வி கற்க எங்கள் நாடு பாதுகாப்பானது என்பதை இந்தியர்கள் புரிந்து கொள்வாரகள் எனபதில் நாங்கள் உறுதியாக இருக்கிறோம். என்று அவர் கூறினார்.

Friday Feb 9, 2024

விண்வெளி நிலையம் அமைக்க பணிகளைத் தொடங்கியது இஸ்ரோ 

விண்வெளியில் அமெரிக்கா, ரஷ்யா, கனடா, ஜப்பான் மற்றும் ஐரோப்பிய நாடுகள் இணைந்து சர்வதேச விண்வெளி நிலையத்தை அமைத்துள்ளன. சீனாவும் விண்வெளிநிலையத்தை  அமைத்துள்ளது. மூன்றாவதாக இந்தியாவும் சொந்தமான விண்வெளி நிலையம் அமைக்க இஸ்ரோ தனது பூர்வாங்கப் பணிகளைத் தொடங்கியுள்ளது.  இந்த விண்வெளி நிலையம் இஸ்ரோவால் உருவாக்கப்பட்டு 2035ம் ஆண்டிற்குள் செயல் பாட்டிற்கு வரும் என எதிர் பார்க்கப்படுகிறது.  

Thursday Feb 8, 2024

புதிய கால நிலை செயற்கைக் கோளை செலுத்திய நாசா 

உலகின் பெருங்கடல்கள் மற்றும் வளிமண்டலத்தை விரிவாக ஆய்வு செய்வதற்காக பேஸ் என்ற புதிய காலநிலை செயற்கைக் கோளை நாசா பிப்ரவரி 8ம் தேதி வியாழக் கிழமை விண்ணில் செலுத்தியது . சுற்று வெட்டப் பாதையை நிலை நிறுத்தப் பட்ட இந்த சீயற்கைக் கோள் பூமியிலிருந்து 420 மைல்கள் உயரத்தில் பறந்த படி கடற்பகுதி மற்றும் வழி மணடலத்தை  சுமார் மூன்று ஆண்டுகள் ஆய்வு செய்யும். முன்னெப்போதும் இல்லாத  வகையில் இந்த செயற்கைக் கோள்  பூமியைத் தெளிவாகக் காட்டும் என்று விஞ்ஞானி வெர்டெல் தெரிவித்தார்.

வேலை நேரம் ம்முடிந்தபின் நிறுவனத்தின் அழைப்பை நிராகரிக்க உரிமை - புதிய சட்டம் 

தொழிலார்கள் வேலை  நேரம் முடிந்து  சென்ற பின், நிறுவனத்திடம் இருந்து வரக்கூடிய அழைப்புகள்,மின்னஞ்சலகள் போன்றவற்றை நிராகரிக்க  உரிமை வழங்கும் புதிய சட்டம் ஆஸ்திரேலியாவில் கொண்டு வரப்  பட்டுள்ளது. இதன் படி நியாயமான காரணமாக இருந்தால் அழைப்புக்கு பதில் அளிக்கலாம். நியாயமற்ற காரணமாக இருந்தால் அழைப்பை நிராகரிக்கலாம். ஆஸ்திரேலியா பசுமைக் கட்சி  மற்றும் சுயேச்சை செனட்டர்களுடன் மேற்கொள்ளப்பட்ட ஒப்பந்தத்தைத் தொடர்ந்து இந்த புதிய சட்டத்திருத்தம்  ஓரிரு நாட்களில் நிறைவேற்றப் படலாம் என எதிர்பார்க்கப் படுகிறது. 

Wednesday Feb 7, 2024

தற்காப்புப்  போருக்குத் தயார் - போலந்து எச்சரிக்கை 

ரஷ்யா உக்ரைன்  போர் நடந்து வரும் சூழலில் போலந்து நாட்டின் கிழக்கு எல்லையில் வார்சாவிற்கும் மாஸ்கோவிற்கும் இடையில் போர் பதற்றம் நிலவி வருகிறது. இதனால் போலந்து நாட்டின் இராணுவ டாங்க்கிகள்,  கவச வாகனங்கள், போர் விமானங்கள் போலந்து வான் பாதுகாப்பை உறுதி செய்து வருகின்றன  என்றும், தற்போதைய சூழலில் நாங்கள் தற்காப்பு நடவடிக்கையாக போருக்குத் தயார் நிலையில் இருக்கிறோம் என்றும், ரஷயா உக்ரைனில் வெற்றி பெற்றால்  உலக ஜனநாயகத்திருக்கு  ஒரு பெரும் பிரச்னையாக அது இருக்கும் என்றும் போலந்து பாதுகாப்பு அமைச்சர் கூறியுள்ளார். 

காசா  போர் நிறுத்தம்  தொடர்பாக சவூதி மற்றும் எகிப்து நாடு தலைவர்களுடன் பிளிங்கன்  பேச்சு 

காசா போரை முடிவுக்குக்  கொண்டுவர கடந்த திங்கட்கிழமை சவூதி அரேபியா வந்த அமெரிக்கா வெளியுறவு அமைச்சர் பிளிங்கன், சவுதி இளவரசர் முஹமது பின் சல்மான் மற்றும் எகிப்து அதிபர் அல்சிசியுடன் பேச்சு வார்த்தை நடத்தினார். இந்த சுற்றுப் பயணத்தின் போது காஸாவில் மனிதாபிமான உதவிகளை மேற்கொள்வதற்கும், ஹமாஸ் இஸ்ரேல் இடையே கைதிகள் பரிமாற்றம் கொள்வதற்கும் வசதியாக சண்டையை உடனடியாக நிறுத்தி வைப்பதற்கான ஒப்பந்தத்தை உருவாக்க பிளிங்கன் தலைமையிலான குழு முயற்சிக்கும் என்று அமெரிக்கா அதிகாரிகள் கூறியுள்ளனர் 

Tuesday Feb 6, 2024

18 கலைஞர்களுக்குக்  கலைச் செம்மல் விருது 

உலக பாரம்பரிய அமைப்பான யுனெஸ்கோ  சென்னையை இசை நகரமாக அறிவித்திருந்தது.  இதைக் கொண்டாடும் விதமாக  சென்னை இசைக் கல்லூரியில்  5ம் தேதி திங்கட் கிழமை இசை விழா நடத்தப்பட்டது. இதில் மரபு ஓவியம், மரபு சிற்பம், நவீன ஓவியம், நவீன சிற்பம் என்னும் பிரிவுகளில் 18 சிறந்த கலைஞர்களுக்கு கலைச் செம்மல் விருதுகள் வழங்கப்பட்டன. அமைச்சர் சாமி நாதன் விருதுகள் வழங்கி கவுரவித்தார். 

இருள் அடைந்த காசாவிற்கு ஒளி தரும் இளம் விங்ஞானி 

இஸ்ரேலின் தாக்குதலால் கட்டிடங்கள் இடிந்து தரை மட்டமாகிய நிலையில் , அதில் கிடைத்த பொருட்களை வைத்து பதினைந்து வயதான குஸாம் அல் அத்தார்  என்ற சிறுவன் மின்சாரம் தயாரித்து சாதனை படைத்துள்ளான். இடம் பெயர்ந்து முகாம்களில் தங்கியிருக்கும் மக்களுக்காகக்  காற்று மூலம்  மின்சாரம் தயாரிக்க வழி  வகை செய்துள்ளார். இந்த சிறுவனுக்கு பாராட்டுக்கள் குவிந்து கொண்டிருக்கின்றன 

Monday, Feb 5, 2024

இந்திய சக்தி இசைக் குழுவிற்கு கிராமி விருது 

லாஸ் ஏஞ்செல்ஸில் நடந்து வரும் 66வது  கிராமி விருதுகள் வழங்கும் விழாவில் கிராமி விருதுகள் அறிவிக்கப் பட்டு வருகின்றன. இசை, பாப், ராக், நடனம் என   பல்வேறு பிரிவுகளில் ஆண்டு தோறும் விருதுகள் வழங்கப் பட்டு வருகின்றன. இந்த ஆண்டிற்கான கிராமி விருது வழங்கும் விழாவில், சங்கர் மஹாதேவன், விநாயக் ராம், செல்வ கணேஷ், கணேஷ் ராஜ கோபாலன்,  உஸ்தாத் ஜாஹிர் ஆகியோரைக் கொண்ட சக்தி  இசைக் குழுவின் திஸ் மொமெண்ட் (This Moment)   என்ற இசை ஆல்பத்திற்கு  கிராமி விருது அறிவிக்கப்பட்டுள்ளது.

Sunday Feb 4, 2024

அமேசானில்  புதிய செய்யறிவு அறிமுகம் 

அமேசானில் நாம் பொருட்களை வாங்க உதவும் செய்யறிவை அமேசான் அறிமுகபப்டுத்தியுள்ளது. ரெபஸ் என்னும் இந்த செய்யறிவு தொழில் நுட்பம் நம்மிடம் எழுத்து வடிவிலான உரையாடல்களை மேற்கொள்ளக் கூடியதாகும். பொருட்களை பற்றி நாம் முழுவதுமாகத்  தெரிந்து கொண்டு தரமான பொருட்களை வாங்க  உதவும் இந்த ரெபஸ் தொழில் நுட்பம்  அமேசானில் கடந்த வெள்ளிக்கிழமை  அறிமுகப் படுத்துள்ளது. 

Saturday Feb 3, 2024

போக்குவரத்து நெரிசல் மிகுந்த நகரங்கள் பட்டியலில் 6 வது இடங்களில் இந்திய நகரங்கள் 

நெதெர்லாந்தைச் சேர்ந்த டாம் டாம் என்ற நிறுவனம் உலகின் போக்குவரத்துக்கு நெரிசல் அதிகமாக உள்ள நகரங்கள் குறித்த ஆய்வை  நடத்தி  2023ம் ஆண்டிற்கான பட்டியலை வெளியிட்டுள்ளது.  இந்தப் பட்டியலில் இங்கிலாந்தின் தலைநகர் லண்டன் முதல் இடத்திலும், அயர்லாந்தின்  டப்ளின் நகரம் இரண்டாவது இடத்திலும், கனடாவின் டொராண்டோ மூன்றாவது இடத்திலும், இத்தாலியின் மிலன் நகரம் நான்காவது இடத்திலும்,பெரு தலை நகர் லீமா ஐந்தாவது இடத்திலும், இந்தியாவின் பெங்களூரு ஆறாவது இடத்திலும்,  புனே நகரம் ஏழாவது இடத்திலும் உள்ளது அந்த பட்டியலில் அறிவிக்கப் பட்டுள்ளது .

காசா போர் நிறுத்தப் பேச்சு வார்த்தையில் முன்னேற்றம்- கத்தார் 

 இஸ்ரேல் ஹமாசிடையேயான போரில் கத்தார் முன்னிலையில் நடந்த பேச்சு வார்த்தையின் காரணமாக கடந்த நவம்பர் 24ம் தேதி முதல் 30ம் தேதி வரை போர் நிறுத்தம் மேற்கொள்ளப் பட்டது. அதன் பிறகு இஸ்ரேல் மீண்டும் தாக்குதலைத்  தொடர்ந்தது.  இந்நிலையில்  மீண்டும் போர் நிறுத்தம் மற்றும் கைதிகள் பரிமாற்றத்தை மேற்கொள்வதற்காக இஸ்ரேல் ஹமாஸிடையே நடைபெற்று வந்த பேச்சு வார்த்தையில் குறிப்பிடத்தக்க முன்னேற்றம் ஏற்பட்டுள்ளதாக அந்தப் பேச்சு வார்த்தையை  நடத்தி வரும்  கத்தார் நாடு அறிவித்துள்ளது  

Friday Feb 2, 2024

மார்க்கோ போலோவின் ஏழாவது நினைவு நூற்றாண்டைக் கொண்டடடும் வெனிஸ் நகரம் 

உலகின்  புகழ் பெற்ற  வணிகப் பயணியான மார்க்கோ போலோவின் ஏழாவது நினைவு நூற்றாண்டை அவர் பிறந்த இத்தாலி நாட்டின் வெனிஸ் நகரம் கொண்டடாடுகிறது.  இத்தாலியில் பிறந்தவர் என்றாலும் இந்தியாவை உலகம் அறிய வைத்ததில் பெரும் பங்காற்றியவர் மார்க்கோ போலோ பாண்டியர்கள் மற்றும் தென்னிந்திய வரலாற்றுத் தகவல்களை தம் நூலில் பதிவு செய்து வைத்தவர் மார்க்கோ போலோ. அவரை பெருமைப் படுத்தும் வகையில் அவரின் எல்லாம் நினைவு நூற்றாண்டை இந்த ஆண்டு முழுவதும் கொண்டாட வெனிஸ் நகர மக்கள் திட்டமிட்டிருக்கிறார்கள் 

Thursday Feb 1, 2024

இலங்கையில்  அசோகர் தூண் - இந்திய தூதர் அடிக்கல் நாட்டினார் 

இலங்கையில் அசோகர் தூண் அமைக்க இலங்கைக்கான இந்திய தூதர் சந்தோஷ் ஜா அடிக்கல் நாட்டினார். இது குறித்து இந்திய தூதரகம் வெளியிட்டுள்ள பதிவில் இந்தியா இலங்கை இடையேயான கலாச்சார உறவை பலப் படுத்தும் வகையில் வஸ்கடுவவில் உள்ள ராஜகுரு ஸ்ரீ சுகுதி மகா விகாரையில் பேரரசர் அசோகரின் தர்ம தூண் கட்டுமானப் பணிகளை இந்திய தூதர் சந்தோஷ்  ஜா அடிக்கல் நாட்டித்  தொடங்கி வைத்தார் 

Wednesday Jan 31, 2024

இஸ்ரேல் செல்லும் பத்தாயிரம்  இந்தியத் தொழிலார்கள் 

கடந்த அக்டோபர் மாதம் முதல்  நடந்து வரும் இஸ்ரேல் ஹமாஸ் இடையிலேயான போரினால், இஸ்ரேல் கட்டுப்பாட்டில் உள்ள பகுதிகள் பலத்த சேதமடைந்துள்ளன. இதனை மறு  கட்டமைப்பு செய்ய  இஸ்ரேல் முடுவு செய்துள்ள நிலையில், அங்கு போதிய மனித வளம் இல்லாததால், வேறு நாடுகளில் இருந்து தொழிலார்களைக் கொண்டு வர முடிவு  செய்துள்ளது. இதையடுத்து இந்தியாவிலிருந்து பத்தாயிரம் தொழிலார்கள் பல கட்டங்களாக இஸ்ரேல் செல்ல உள்ளனர் 

மலேசியாவின் புதிய மன்னராக சுல்தான் இப்ராஹீம் பதவியேற்ப 

மலேசியா மன்னர் சுல்தான் அப்துல்லா சுல்தான் அஹமத்  ஷாவின் பதவிக் காலம்  ஜனவரி 30ம் தேதியுடன் நிறைவு பெறுகிறது. இதனால் மலேசியாவின் பதினேழாவது புதிய மன்னராக சுல்தான் இப்ராஹீம் சுல்தான் இஸ்கந்தர் பதவியேற்றார். கோலாலம்பூரில் உள்ள தேசிய அரண்மனையில் அவரதுபதவியேற்பு விழா கோலாகலமாக நடைபெற்றது. 

Tuesday Jan 30, 2024

ஜெர்மனியில் பிப்ரவரி ஒன்றாம் தேதி முதல் வாரத்தில் நான்கு நாட்கள் வேலை 

ஜெர்மனி பொருளாதார வீழ்ச்சியிலிருந்து மீள்வதற்காக, பிப்ரவரி ஒன்றாம் தேதி முதல் வாரத்தில் நான்கு நாட்கள் மட்டுமே வேலை  என்ற புதிய சோதனை முயற்சியை மேற்கொள்ளவிருக்கிறது. வாரத்தில் நான்கு நாட்கள் வேலையும்,  மூன்று நாட்கள் விடுமுறையும் அளிப்பதால் பணியாளர்களின் உடல் மற்றும் மனநிலை ஆரோக்கியம்  அடைவதோடு அவர்களின் செயல் திறனும் அதிகரிக்கும்  என ஜெர்மனி எதிர்பார்க்கிறது. பெப்ரவரி ஒன்றாம் தேதி முதல் தொடங்க இருக்கும் இந்த நடைமுறை சோதனை முயற்சியில் ஜெர்மனியில் உள்ள 

நாற்பத்தி ஐந்து நிறுவனங்கள் பங்கேற்கின்றன.

மனித மூளையில்  சிப் சோதனை தொடங்கிய நியூரா லிங்க்  நிறுவனம் 

இலான்  மஸ்கின் நியூரா நிறுவனம், மனித மூளையில் சிப்களைப்  பொருத்தி  அவற்றை கணினிகளுடன் இணைப்பதன் மூலம் , மனிதர்களின் பார்வை மற்றும் இயக்கத்தை மீட்டெடுக்க முடியும் என்று கூறியதால் மனிதரிடம் சோதனை நடத்த, அமெரிக்கா உணவு மற்றும் மருந்து கட்டுப்பாட்டு நிறுவனத்திடம் அனுமதி கோரிய நிலையில் அதற்கான அனுமதி கிடைத்தது. இதனால் நியூரா லிங்க் நிறுவனம் மனித மூளையில்  சிப்பைப்  பொருத்தி சோதனையைத்  தொடங்கி இருக்கிறது. 

Monday  Jan 29

2023ல் பதினான்கு  லட்சம் இந்தியர்களுக்கு விசா- அமெரிக்கத் தூதரகம் தகவல் 

கடந்த 2023ம் ஆண்டு பதினான்கு லட்சம் இந்தியர்களுக்கு விசா வழங்கப்பட்டுள்ளதாக அமெரிக்காத தூதரக வட்டாரங்கள் தெரிவிக்கின்றன. இது குறித்து அமெரிக்கத் தூதரகம் வெளியிட்டுள்ள செய்தியில், இந்தியா அமெரிக்கா இடையேயான பரஸ்பரம் நட்புறவு தொடர்ந்து சிறப்பாகவே இருந்து வருகிறது. இதை அடுத்து கடந்த ஆண்டில் இந்தியர்களின் விண்ணப்பங்ளைப் பரிசீலனை செய்து  ஹச் ஒன் பி  விசா உட்பட 14 லட்சம் விசாக்கள் இந்தியர்களுக்கு வழங்கபப்ட்டது . இது 2022ம் ஆண்டைக் காட்டிலும் 60 சதவீதம் அதிகம். இவ்வாறு அதில் தெரிவிக்கப் பட்டுள்ளது . 

Saturday Jan 27, 2024

கூடங்குளம் அணு உலைகள்  மூலம் இதுவரை 94000 மில்லியன்  யூனிட்  மின்சாரம் உற்பத்தி 

நெல்லை மாவட்டம் கூடங்குளத்தில் உள்ள அணுமின் நிலையத்தில் உள்ள இரண்டு அணு உலைகள் மூலம் இதுவரை 94,000 மில்லியன் யூனிட்டுக்கு அதிகமாக மின்சாரம் உற்பத்தி செய்யப் பட்டுள்ளது என்றும், கடந்த நிதி ஆண்டில் இரண்டு அணு உலைகள் மூலம் 14,226 மில்லியன் யூனிட் மின்சாரம் உற்பத்தி செய்யப்பட்டது என்றும், முதல் அணு உலை கடந்த 2021 மார்ச் மாதம் முதல் 638 நாட்கள் தொடர்ந்து இயங்கி மின் உற்பத்தி செய்து சாதனை படைத்துள்ளது என்றும்  அணு மின் நிலைய வளாக இயக்குனர் R.S.ஷவான்த் கூறினார்  

ஹவுதி  தாக்குதலால் 42 சதவீதம் சரிந்த சூயஸ் கால்வாய் வர்த்தகப்  போக்குவரத்து 

இஸ்ரேல் ஹமாஸ் இடையிலான போரில், ஹமாஸ் அமைப்பினருக்கு ஆதரவாக ஹவுதி கிளர்ச்சிப்  படையினர்  நடத்தி வரும் ஏவுகணை மற்றும் ட்ரோன் தாக்குதல்கள் காரணமாக சூயஸ் கால்வாயில் வர்த்தகப் போக்குவரத்து 42 சதவீதம் குறைந்து விட்டதாக ஐநாவின் வர்த்தகப் பிரிவு கவலை தெரிவித்துள்ளது. இது போல் கடல் வணிகம் பாதிக்கப் படுவதால் உணவுப் பொருட்களின் விலைகள் உலக அளவில் உயர்வதற்கான அபாயம் உள்ளதென்று அந்த அமைப்பின் தலைவர் ஜான் ஹாப்மேன் தெரிவித்துள்ளார்.

Friday Jan 26, 2024

குடவோலை  முறையை விளக்கும் தமிழக அலங்கார ஊர்தி 

டெல்லியில் நடை பெற்ற குடியரசு தின விழாவில் மாநிலங்களின் கலாச்சாரத்தை விளக்கும் அலங்கார ஊர்தி அணிவகுப்பு நடை பெற்றது இதில்  குடவோலை முறையை விளக்கும் வகையில் தமிழக அலங்கார ஊர்தி அணி வகுப்பில்  வலம்  வந்தது. பழங்காலத்தில் யாருக்கு வாக்களிப்பது என்பதை ஓலையில்  குறித்து , அது பானையில் சேகரிக்கப்பட்டு, பின்னர் முடிவு அறிவிக்கப் படும் முறைதான் குடவோலை முறை ஆகும். 

பாலஸ்தீனர்களைப்  பாதுக்காக்க வேண்டியது - உரிமை சர்வதேச நீதிமன்றம் உத்தரவு 

 இஸ்ரேல் ஹமாஸ் அமைப்பினரிடையே கடந்த அக்டோபர் 7ம் தேதி தொடங்கிய போர் தொடரும் நிலையில் , காஸாவில் உயிரிழந்தோரின் எண்ணிக்கை இருபத்தி ஐய்யாயிரத்தைத்  தாண்டியுள்ளது.  இது தொடர்பாக தென் ஆப்ரிக்கா சர்வதேச நீதி மன்றத்தில் வழக்குத் தொடர்ந்தது.  26ம் தேதி நடந்த இந்த வழக்கு விசாரணையில், தென் ஆப்ரிக்காவின் நியாயமான கோரிக்கையை ஏற்று , காஸாவில் வசிக்கும் பாலஸ்தீனர்கள் இனப் படுகொலையில் இருந்து தங்களைப்  பாதுகாத்துக் கொள்ள உரிமை உள்ளது, இதை சர்வதேச நீதிமன்றம்

அங்கீகரிக்கிறது   என்று உத்தரவு பிறப்பித்துள்ளது .

Thursday Jan 25, 2024

தமிழகத்தைச் சேர்ந்த பத்திரப்பன் உட்பட 34 பேருக்கு பத்மஸ்ரீ விருது 

இந்தியாவின் குடியரசசு தினத்தை முன்னிட்டு இந்த ஆண்டிற்கான பத்மஸ்ரீ விருதுகள்  அறிவிக்கப்பட்டுள்ளது . இதில் தமிழ்நாடு கோவையைச் சேர்ந்த  வள்ளி ஒயில் கும்மியாட்ட நாட்டுப்புர கலைஞர்  பத்திரப்பன் என்பவருக்கு  மத்திய அரசின் பத்மஸ்ரீ விருது அறிவிக்கப்பட்டுள்ளது. கும்மி நடனத்தில் சிறந்து விளங்கியதற்காகவும், பெண்களுக்கு சிறப்பான பயிற்சி அளித்ததற்காகவும் இவருக்கு பத்மஸ்ரீ விருது வழங்கப் படுகிறது. பத்திரப்பன் உட்பட 34 பேருக்கு பத்மஸ்ரீ விருது அறிவிக்கப் பட்டுள்ளது 

Wednesday Jan 24, 2024

இன்று ஜனவரி 24ம் தேதி பெண்  குழந்தைகள்  தினம் 

இந்தியாவில் ஆண்டு தோறும் ஜனவரி 24ம் தேதி தேசிய பெண் குழந்தைகள் தினமாகக் கொண்டாடப்படுகிறது. இதையொட்டி  இந்திய பிரதமர் பெண் குழந்தைகள் தான் மாற்றத்தை உருவாக்குபர்கள், பெண் குழந்தைகள் கல்வி கற்று வளர்ந்து சமூகத்தில் கண்ணியத்துடன் வாழத்  தேவையான அணைத்து முயற்சிகளையும் தானுந்து அரசு செய்து வருகிறது எனக் குறிப்பிட்டார். 

சுற்றுலாப் பயணிகள் வருகைப் பட்டியலில் தமிழகம் முதலிடம் 

 மத்திய சுற்றுலா அமைச்சகம் வெளியிட்டுள்ள  செய்திக் குறிப்பில்  தெரிவிக்கப் பட்டிருப்பதாவது,  கடைந்த 2021ம் ஆண்டில்   இந்தியாவிற்கு வந்த வெளிநாட்டுப் பயணிகளின் மொத எண்ணிக்கை  67.8 கோடி பேர். அதே நேரத்தில் மாநிலங்கள் வாரியாகச்  சென்றோரின்  பட்டியலில் 15,53 கோடிஎன்ற எண்ணிக்கையில் தமிழ் நாடு முதளிடம் பிடித்துள்ளது. இரண்டாவது இடத்தை 10.97  கோடி பேர் என்ற எண்ணிக்கையுடன் உததிரப்  பிரதேசமும், 8.14 கோடி பயணிகள் சுற்றுப் பயணம் செய்த கர்நாடகா  மூன்றாவது இடத்தையும், 4.37 கோடி  சுற்றுலாப்பயணிகளுடன் மஹாராஷ்டிரா நான்காவது இடத்திலும் உள்ளது  என்று  அந்த அறிக்கையில் தெரிவிக்கப் பட்டுள்ளது  

Tuesday Jan 23, 2024

வெளிநாட்டு மாணவர் விசாக்களுக்கு 2 வருட வரம்பு - கனடா புதிய உத்தரவு  

கனடாவிற்குக்  கல்வி பயில வரும் மாணவர்களுக்கு வழங்கப் படும் விசா காலம் 2 வருடம் என நிர்ணயிக்கப்பட்டுள்ளது. கனடாவிற்குக்  கல்வி பயில வரும்  மாணவர்களின் எண்ணிக்கையைக் குறைக்கும் நோக்கில், இந்த நடவடிக்கை எடுக்கப் பட்டுள்ளது என்றும், கடந்த ஆண்டை விட இந்த ஆண்டு 35% அளவுக்கு மாணவர் விசாக்களைக் குறைக்க முடிவெடுத்துள்ளோம் என்றும் இதனால் 3.64 லட்சம் மாணவர்களுக்கு மட்டுமே விசாக்கள் வழங்கப் படும் என்றும் இந்த விசா இரண்டு ஆண்டுகள் வரை மட்டுமே செல்லுபடியாகும் என்றும் கனடா குடியேற்றத் துறை அமைச்சர் மார்க் மில்லர் தெரிவித்தார் 

Monday Jan 22, 2024

மின்மினி என்னும் உலகின் முதல்  தமிழ் ஹைப்பர் லோக்கல்   செயலி அறிமுகம்! 

உலகம் முழுவதும் வாழும் தமிழ் மக்களிடையே  நெருக்கத்தை ஏற்படுத்தும் நோக்கத்துடன் மின் மினி என்ற தமிழ் செயலி ஜனவரி  22ம் தேதி திங்கட்கிழமை அறிமுகப்படுத்தப்பட்டுள்ளது. பல்வேறு மல்டி சானல் மற்றும் நெட் ஒர்க்குகளைக்  கொண்ட மின்மினி செயலியானது கான்டென்ட் கிரியேட்டர்களுக்கும், அங்கீகரிகாப் பட்ட செய்தியாளர்களுக்கும், எழுத்தாளர்களுக்கும் , சிறந்த சமூக ஊடக தளமாக  விளங்கும்  என்றும், அங்கீகரிக்கப் பட்ட செய்தியாளர்கள்  ப்ளூ டிக் மூலம் அடையாளம் காணப்படுவார்கள் என்றும்  கூறப் படுகிறது. 

Saturday  Jan 20,  2024

விக்ரம்  லாண்டருடன் தொடர்பை ஏற்படுத்திய நாசா  விண்கலம் 

நிலவின் தென் துருவத்தை ஆய்வு செய்ய இஸ்ரோ  அனுப்பிய சந்திராயன் 3 விண்கலத்தின் விக்ரம் லாண்டரும் பிரக்யான் ரோவரும் தூக்க நிலைக்கு சென்றதாக அறிவிக்கப் பட்டது  இந்நிலையில் நாசாவின் லூனார் ரீகளைசென்ஸ் ஆர்பிட்டர்கருவி விக்ரம் லாண்டருடன் லேசர் கற்றை மூலம்  தொடர்பை ஏற்படுத்தியதாக, அமெரிக்க விண்வெளி ஆய்வுக் கழகமான நாசா தெரிவித்துள்ளது. இது குறித்து நாசா கூறும்போது,  நாசாவின் லூனார் ரீகளைசென்ஸ் ஆர்பிட்டரின் லேசர் அல்ட்டிமீட்டர் கருவி விக்ரம் லாண்டரை சுட்டிக் காட்டியது என தெரிவித்துள்ளது.  

Friday Jan 19, 2024

ஜப்பான் விண்கலம் நிலவில் தரை  இறங்கியது 

நிலவுக்கு ஸ்லிம் என்ற விண்கலத்தை ஜப்பான் கடந்த செப்டம்பர் மாதம் ஏழாம்  தேதி அனுப்பியது.  இந்த விண்கலம்  இன்று 19ம்  தேதி வெள்ளிக்கிழமை  காலை நிலவில் தரை  இறங்கியது. நிலவின் மேற்பரப்பில் வெறும் 100 மீட்டர் பரப்புக்குள் தரை இறங்கும் வகையில் வடிவமைக்கப்பட்டுள்ளதால் இந்த விண்கலம் நிலவின் ஸ்னைப்பர் என அழைக்கப் படுகிறது.  இந்த விண்கலம் நிலவில் தரை இறங்கியதன்  மூலம், நிலவில் வெற்றி கரமாக விண்கலத்தைத்  தரை இறக்கிய  ஐந்தாவது நாடு என்ற பெருமையை ஜப்பான் பெற்றுள்ளது. 

Thursday Jan.18 2024

உலகின் மிகப் பெரிய அம்பேத்கார் சிலை ஆந்திராவில் இன்று திறப்பு 

ஆந்திர மாநிலம் விஜயவாடாவில் உள்ள ஸ்வராஜ் மைதானத்தில் டாக்டர் அம்பேத்கரின் 125 அடி உள்ள சிலை அமைக்கப்பட்டுள்ளது.இது 81 அடி உயர பீடத்திற்கு மேல்  அமைக்கப் பட்டுள்ளதால் இதன் மொத்த உயரம் 206 அடியாக உள்ளது அம்பேத்கரின் சிலைக்கு அருகே பூங்காக்கள் அமைக்கப் பட்டு, இந்தப் பகுதிக்கு ஸ்மிரிதி வனம் எனப் பெயரிடப் பட்டுள்ளது. சிலை அமைக்கப் பட்டுள்ள மைதானத்தில், அருங்காட்சியகம், மினி தியேட்டர், வாகன நிறுத்துமிடம், உணவு விடுதி ஆகியவை அமைக்கப்  பட்டுள்ளன. இந்த சிலையை ஆந்திர மாநில முதல்வர் ஜெகன் மோகன் ரெட்டி இன்று 18ம் தேதி வியாழக்கிழமை திறந்து வைக்கிறார்

Wednesday Jan.17 2024

உலகின் வலிமையான  கரன்சி - 10 வது இடத்தில அமெரிக்க டாலர்  

உலகின் வலிமையான 10 கரன்சிகளின் பட்டியலை போர்ப்ஸ் நாளிதழ் வெளியிட்டுள்ளது. இந்தப் பட்டியலில் குவைத் டினார் முதல் இடத்திலும், பஹரைன் டினார் இரண்டாவது இடத்திலும், ஓமன் ரியால் மூஒன்றாவது இடத்திலும், ஜோர்டான் டினார்  நான்காவது இடத்திலும் இடம் பெற்றுள்ளது. இந்த வரிசையில அமெரிக்க டாலர் பத்தாவது இடத்திலும், இந்திய ரூபாய் 15 வது இடத்திலும் உள்ளது. 

Tuesday Jan.16 2024

திருவள்ளுவர் தினம்

திருவள்ளுவர் தினத்தை ஒட்டி தமிழக முதல்வர் ஸ்டாலின் வெளியிட்டுள்ள வாழ்த்துச்  செய்தியில்,  தமிழினத்தில் பிறந்து அவர் தமிழில் அறம் உரைத்து  உலகம் முழுமைக்குமான நெறிகள் சொன்ன  வான் புகழ் வள்ளுவர் நாள் வாழ்த்துக்கள். பிறப்பொக்கும் எல்லா உயிர்க்கும்  என்ற சமூக நீதி கோட்பாட்டையும், முயற்சி மட்டுமே வெற்றியைத் தரும்  என்ற தன்னம்பிக்கை ஊக்கத்தையும், அரண் எனப் பட்டதே இல்வாழ்க்கை என்ற கருத்தியலையும் வழிகாட்டியவர்  வள்ளுவர். குரள் நெறி நம் வழி . குறள் வழியே நம் நெறி என்று  முதல்வர் தெரிவித்துள்ளார். 

ஏற்காட்டில் முதல் முறையாக விமானத்திர்க்குள் உணவகம் 

 சுற்றுலாத் தலமான சேலம் மாவட்டம் ஏற்காட்டில் தனியார் உணவகம் ஓன்று ஒரு விமானத்தை விலைக்கு வாங்கி அதில் உணவகம் நடத்தி வருகிறது.  மலைப்  பிரதேசத்தில் பெரிய விமானம் ஓன்று  இருப்பதைப்  பார்க்கும் சுற்றுலாப் பயணிகள்  அருகில் சென்று பார்க்கும் போது விமானத்துக்குள் உணவகம் செயல் படுவது தெரிய வருகிறது. இந்த விமான உணவகத்திற்கு  கூட்டம் அதிகரித்து வருகிறது.  வணிக நோக்கில் வித்தியாசமான முறையில் தனியார் நிறுவனம் செய்துள்ள இந்த ஏற்பாடு  சுற்றுலாப் பயணிகளிடையே பெரும் வரவேற்பைப்  பெற்றுள்ளது. 

Monday Jan15 2024

அவனியாபுரம் ஜல்லிகட்டுப் போட்டியில் 17 காளைகளை அடக்கிய வீரருக்கு கார் பரிசு 

பொங்கல் பண்டிகையை ஒட்டி ஜனவரி 15ம் தேதி மதுரை அவனியாபுரத்தில் ஜல்லிக் கட்டு போட்டி நடைபெற்றது காலை ஏழு மணிக்குத் தொடங்கிய ஜல்லிகட்டுப் போட்டி மாலை 5.15க்கு நிறைவுபெற்றது. இந்தப் போட்டியில் அவனியாபுரத்தைச் சேர்ந்த கார்த்திக் என்பவர் 17 காளைகளை அடக்கி முதலிடம் பிடித்தார். அவருக்குக்  கார் பரிசாக வழங்கப்பட்டது. இவர் கடந்த ஆண்டு பதினேழு காளைகளை அடக்கி இரு சக்கர வாகனத்தைப்  பரிசாகப்பெற்றிருந்தார். அடுத்து அவனியாபுரத்தைச்  சேர்ந்த ரஞ்சித்  என்பவர் 14 காளைகளை அடக்கி  இரண்டாவது இடத்தைப் பிடித்தார். தேனீ மாவட்டத்தைச்  சேர்ந்த முத்துகிருஷ்ணன் என்பவர் பத்து காளைகளை அடக்கி மூன்றாவது இடத்தைப் பிடித்தார். 

Sunday Jan 14 2024

சீனப் பெருசுவரில் உலகின்மிக நீளமான ஓவியம் - கின்னஸ் சாதனை படைத்த பெண் 

உலக அதிசயங்களில் ஒன்றான சீனாப் பெருஞ்சுவர்  ஏறக்குறைய 4000 மைல்கள் தொலைவில் எழுப்பப்பட்ட சுவராகும். இந்நிலையில் சீனாவைச் சேர்ந்த  குவோ ஃபெங்  என்ற பெண் ஓவியர்  சீனப் பெருஞ்சுவரின் மேல் அறுபது நாட்களுக்கு மேலாக அமர்ந்து 1014 மீட்டர் நீளமுள்ள கேன்வாஸில் காலப்போக்கில் நாகரிகத்தின் வளர்ச்சி என்ற கருப்பொருளை மையமாக வைத்து ஓவியத்தை வரைந்துள்ளார். இதன் மூலம் இந்தப் பெண் கின்னஸ் சாதனை படைத்துள்ளார்.

Saturday  Jan.13 2024

உலகின் சிறந்த அரிசியாக பாசுமதி அரிசி தேர்வு 

பிரபல உணவு வழிகாட்டி நிறுவனமான டேஸ்ட் அட்லஸ், 2023-24ம்  ஆண்டின் உலகின்  மிகச்சிறந்த  அரிசியாக  பாசுமதி அரிசியை அறிவித்துள்ளது. நீளமான, தனித்துவமான, சுவை மற்றும் வாசனை கொண்ட பாசுமதி அரிசி இந்திய துணைக்  கண்டத்தில் அதிக அளவில் உற்பத்தி செய்யப் படுகிறது.  இந்திய பாசுமதி அரசிக்கு அடுத்த படியாக இத்தாலியைச் சேர்ந்த ஆர்போரியோ அரிசி இரண்டாவது இடத்தையும், போர்ச்சுகலின் கரோலினோ  அரிசி  மூன்றாவது இடத்தையும் பிடித்துள்ளது. 

ஆயிரத்து அறுநூறு ஆண்டு பழமையான வழிபாட்டுத்தலம் கண்டு பிடிப்பு 

அமெரிக்காவின் மிசௌரி மாநிலம் செயின்ட் லூயிஸ் பல்கலைக்  கழகத்தைச் சேர்ந்த  வரலாற்றுப் பேராசிரியர் டக்லஸ் தலைமயில் ஒரு குழுவினர் இத்தாலியில் அகழாராய்ச்சியில் ஈடுபட்டனர். அப்போது கான்ஸ்டன்டைன் நகர மக்கள் பேரரசரின் மூதாதையருக்கு அமைத்துக் கொடுத்த வழிப்படுத்தலம் கண்டுபிடிக்கப் பட்டுள்ளது . இத்தாலி தலை நகர் ரோமிலிருந்து நூற்றி அறுபது கிலோமீட்டர் தொலைவில் உள்ள ஸ்பேல்லோ என்னும் நகரில் 1600 வருட பழமையான இந்த வழிபாட்டுத் தலத்தை டக்லஸ் குழுவினர் கண்டு பிடித்துள்ளனர் 

Friday Jan12 2024

ஹமாசின் 700 ஏவுகணைத்  தளங்கள்  அழிப்பு - இஸ்ரேல் அறிவிப்பு 

காஸாவில்  சோதனைகளில்  ஈடுபட்டு வரும் இஸ்ரேல் இராணுவம்  ஹமாஸ் அமைப்பினரின் நூற்றுக் கணக்காண சிறிய மற்றும் அதிக தூரம் செல்லக்கூடிய  ஏவுகணைகளையும், ஏவுகணைத் தளங்களையும் அளித்துள்ளது.  அந்த வஃயில் இதுவரை  எழுநூறுக்கும் அதிகமான ஏவுகணைத் தளங்களை அழித்திருப்பதாக இஸ்ரேல் பாதுகாப்புப் படை தெரிவித்துள்ளது.  ஹமாஸ் அமைப்பின் ஏவுகணைத் திறன்களை அழித்து, இஸ்ரேல் மக்களைப்  பாதுகாக்க நடவடிக்கைகள் எடுத்து வருவதாக இஸ்ரேல் தெரிவித்துள்ளது.

Thursday  Jan.11 2024

அயலக தமிழர் தின விழா  இன்று தொடங்கியது 

 தமிழக அரசின் அயலக தமிழர் நலன் மற்றும்  மறுவாழ்வுத்  துறை  தமிழ் வெல்லும் என்னும் கருப்பொருளை மையமாகக் கொண்டு  அயலக தமிழர் தின விழாவை நடத்தி வருகிறது. இவ்விழாவை இன்று  ஜனவரி 11ம் தேதி வியாழக் கிழமை சென்னை நந்தம் பாகம் வர்த்தக மையத்தில் அமைச்சர் உதயநிதி  ஸ்டலின் தோடங்கி வைத்தார். பதினொன்று மற்றும் பனிரெண்டு ஆகிய இரு தினங்கள் நடை பெறும்    இந்த விழாவில் இலங்கை மலேசியா, ஆஸ்திரேலியா, சிங்கப்பூர், துபாய் , இங்கிலாந்து,அமெரிக்கா உட்பட 58 நாடுகளில் இருந்துதமிழ் வம்சா வழியினர் பங்கேற்றுள்ளனர்.  இந்த விழாவில் வெளிநாடுகளில் உள்ள  218 சர்வதேச தமிழ் சங்கங்கள், 48 பிற மாநில தமிழ் சங்கங்கள் ஆகிய வற்றை சேர்ந்த அயலக தமிழர்கள் பங்கேற்றனர். 

Wednesday Jan.3 2024

சென்னையில் புத்தகக் கண் காட்சி 

தென்னிந்திய புத்தக விற்பனையாளர்கள் மற்றும்  பதிப்பாளர்கள்  சங்கம் சார்பில்,  47 வது சென்னை புத்தகக்  கண் காட்சி  நந்தனம் ymca  மைதானத்தில்  ஜனவரி 3ம் தேதி புதன்கிழமை தொடங்கியது.  இந்த புத்தகக்  கண்  காட்சியை  அமைச்சர் உதயநிதிஸ்டாலின் தொடங்கி வைத்தார் . இந்த புத்தகக் கண் காட்சி வரும் 21ம் தேதி வரை நடை பெற உள்ளது.  இந்த புத்தகக் கண் காட்சியில் மொத்தம் 900 அரங்குகள் அமைக்கப் பட்டுள்ளன. கடந்த ஆண்டு புத்தகக் கண் காட்சிக்கு சுமார் 15 லட்சம் பேர் வருகை தந்திருந்த நிலையில், இந்த ஆண்டு 20 லட்சம் பேர் வருவார்கள் என எதிர் பார்க்கப் படுகிறது  

 புத்தகக் கண்  காட்சி 

Tuesday Jan.2 2024

குமரி கடலில் அமைந்துள்ள விவேகானந்தர் மண்டபத்தை 2 நாட்களில் 15,500 பேர் பார்வை 

கிறிஸ்துமஸ் மற்றும் புத்தாண்டு  தொடர் விடுமுறை காரணமாக , இந்தியாவின் முக்கிய சுற்றுலாத்  தலமான  கன்னியாகுமரிக்கு  ஏராளமான சுற்றுலாப் பயணிகள் வருகை தந்திருந்தனர். கன்னியாகுமரி கடல் நடுவில் அமைந்துள்ள விவேகானந்தர் மண்டபம் மற்றும் 133 அடி உயர திருவள்ளுவர் சிலைக்கு படகு சவாரி செய்ய  சுற்றுலாப் பயணிகள் நீண்ட வரிசையில்  காத்திருந்தனர்.  இந்நிலையில் கடந்த இரண்டு நாட்களில் 15,500 பேர் சுற்றுலாப் படகில் சவாரி செய்து கடல்நடுவே  அமைந்துள்ள விவேகானந்தர் மண்டபத்தைக்  கண்டு மகிழந்ததாக பூம்புகார் நிர்வாகம்  தெரிவித்துள்ளது 

Thursday  Dec.21 2023

100 அடி உயரத்தில்  இந்தியாவின் உயரமான கிறிஸ்துமஸ் மரம் 

ஒவ்வொரு ஆண்டும் கிறிஸ்துமஸ் கொண்டாடப்படும் போது , ஆலயங்கள் வீடுகள் மற்றும் பல இடங்களில்  கிறிஸ்துமஸ் மரம் , கிறிஸ்துமஸ் குடில், கிறிஸ்துமஸ் ஸ்டார் ஆகியவற்றால் அலங்கரிப்பது வழக்கம்.  இந்த ஆண்டு கர்ணாவதாக மாநிலம் பெங்களூருவில் பிரபல மால் ஒன்றில்  வைக்கப் பட்டுள்ள கிறிஸ்துமஸ் மரம்  இந்தியாவின் மிகப் பெரிய மரமாக காண்போரைக் கவர்ந்துள்ளது.  இந்த கிறிஸ்துமஸ் மரம்  செயற்கை நீரூற்றுக்கு மத்தியில், நூறு அடி  உயரத்தில், வண்ண விளக்குகளால் அலங்கரிக்கப்பட்டு  ஓங்கி உயர்ந்து காட்சி அளிக்கிறது.  இதை சிறுவர்கள்  முதல் பெரியவர்கள் வரை ஆர்வத்துடன் பார்த்தும் , புகைப்படம் எடுத்தும் மகிழ்ந்து வருகின்றனர். 

அகதிகள் வருவதைத் தடுக்க   பிரான்சில் புதிய சட்டம் 

அல்ஜீரியா, போர்ச்சுகல் , மொராக்கோ, துருக்கி உட்பட பல நாடுகளில் இருந்து பிரான்ஸ் நாட்டிற்குள் சட்ட  விரோதமாக அகதிகள் நுழைவது வழக்கமாக உள்ளது, அகதிகளால் உல் நாட்டுப் பிரச்சனைகள் எழுவதால்,பிரான்ஸ் அதிபர் மேக்ரான்  கட்சியும், எதிர் கட்சியும் இணைந்து , சட்ட மாற்றங்களைக் கொண்டு வர புதிய மசோதாவைத் தாக்கல் செய்துள்ளது. இது குறித்துப் பேசிய பிரான்ஸ் அதிபர் மேக்ரான் , அகதிகளால் அமைதியின்மை தோன்றக் கூடிய நிலை இருந்ததாகவும், அதனைத் தடுக்க வெட்னரியது அரசின் கடமை என்றும் , வெள்ளம் போல் நுழையும் அகதிகளைத் தடுக்குக் கவசமாக இந்த சட்டம் அமையும் என்றும் தெரிவித்தார்.

Wednesday Dec.20 2023

எழுத்தாளர் தேவி பாரதிக்கு சாஹித்ய அகாடமி விருது 

எழுத்தார்களை கவுரவிக்கும் வகையில் மத்திய அரசு ஆண்டு தோறும் சாஹித்ய அகாடமி விருது  வழங்கி வருகிறது. அதன் படி இந்த ஆண்டிற்கான  சிறந்த புத்தகங்களுக்கான சாஹித்ய அகாடமி விருது இன்று  20ம் தேதி புதன் கிழமை அறிவிக்கப் பட்டது. இந்த விருது 24 மொழிகளில் வெளிவந்த புத்தகங்களுக்காக  அறிவிக்கப்பட்டது.  அந்த வாயில் தமிழில் நீர்வழிப் படூஉம் என்ற நாவலுக்காக, எழுத்தாளர் தேவி பாரதிக்கு சாஹித்ய அகாடமி விருது அறிவிக்கப்ப ட்டுள்ளது .  விருது அறிவிக்கப் பட்டவர்களுக்கு அடுத்த ஆண்டு மார்ச் 12 ம் தேதி  விருதுகள் வழங்கப் பட உள்ளன. 

  உலகில் முதல் முறையாக தானியங்கை இயந்திரங்கள் நடத்தும் உணவகம் 

கலிஃபோர்னியா மாகாணத்தில் பசடேனா பகுதியில் கலி  எக்ஸ்பிரஸ் என்ற தானியங்கை இயந்திரங்கள் நடத்தும் உணவகம் திறக்கப் பட்டுள்ளது. அமெரிக்காவில் தானியங்கி சமையல் இயந்திரங்கள் உற்பத்தி செய்யும் மிஸோ ரோபோட்டிக்ஸ், கலி குழுமம் மற்றும் பணப் பரிமாற்றத்திற்கு உதவும் பாப் ஐடி ஆகிய மூன்று நிறுவனங்கள் ஒன்றிணைந்து இந்த உணவகத்தை 

செயல் படுத்தி உள்ளன.  இங்குள்ள மிசோ ரோபோடிக்ஸ் இயந்திரங்கள், வாடிக்கையாளர்களுக்குத் தேவையான ருசிகரமான உணவுகளைத் தயார் செயகின்றன. பாப் ஐடி தொழில் நுட்பத்தின் மூலம் வாடிக்கையாளர்களை படம் பிடித்து  அவர்களின் வங்கிக்கணக்கிலிருந்து உணவுக்குத் தேவையான பணம் பெறப்படுகிறது

தமிழக செஸ் வீராங்கனை வைஷாலி  உட்பட 26 பேருக்கு அர்ஜூனா   விருது 

விளையாட்டுத் துறையில் சிறந்து விளங்கும் வீரர்களுக்கு நாட்டின் இறங்காவது உயரிய விருதான அர்ஜுனா விருது வழங்கப் படுகிறது .இந்த ஆண்டுக்கான விளையாட்டு விருதுகளை மத்திய அரசு அறிவித்துள்ளது.  இதில் இந்திய கிரிக்கெட் வீரர் முஹம்மது ஷமி , தமிழக செஸ் வீராங்கனை வைஷாலி உட்பட 26 பேர் அர்ஜுனா விருதுக்குத்  தேர்வு செய்யப்பட்டுள்ளனர் 

Tuesday, Dec.19 2023

ஐ பி எல் வரலாற்றில் அதிகதொகைக்கு ஏலம் போன மிட்செல் ஸ்டார்க் 

அடுத்த ஆண்டு நடைபெறும் ஐ பி எல்  20 ஓவர் கிரிக்கெட்  பதினேழாவது சீசன் போட்டிக்கான மினி ஏலம் கடந்த 19ம் தேதி டுபாயில் நடந்தது.  இந்த  ஏலப் பட்டியலில் இடம்பெற்றிருந்த  333 வீரர்களில் 77 பேர் தேர்ந்தெடுக்கப்பட்டனர். இதில் அதிக பட்சமாக ஆஸ்திரேலிய அணி வேகப் பந்து வீச்சாளர் மிட்செல் ஸ்டார்க்  24.75 கோடிக்கு  கோல்கட்டா அணியால் ஏலத்தில் எடுக்கப் பட்டார். ஐ  பி  எல்   கிரிக்கெட்  வரலாற்றில்  ஒரு வீரர் இவ்வளவு அதிக தொகைக்கு  ஏலம் போவது இதுவே முதல் முறையாகும்.

ஓராண்டில் 10 கோடி பேர் பயணம் இண்டிகோ சாதனை 

ஓராண்டில் 10 கோடி பேர் பயணம் செய்த முதல் இந்திய விமான நிறுவனம் என்ற பெருமையை இண்டிகோ விமான நிறுவனம் பெற்றுள்ளது கடந்த 2022ம் ஆண்டு இண்டிகோ விமானங்களில்  7.8 கோடி பேர் பயணம் செய்த நிலையில், இந்த ஆண்டு இண்டிகோ விமானம் 10 கோடி பேரை ஏற்றிச்  சென்று புதிய சாதனை படைத்துள்ளது . கடந்த ஆண்டை ஒப்பிடும் போது இது 22 சதவீதம் அதிகமாகும். 18ம் தேதி டெல்லி பெங்களூரு விமானப் பயணம் முடிவடைந்த நிலையில் இண்டிகோ இந்த சாதனையை எட்டியுள்ளது .

Monday, Dec.18 2023

போரை நிறுத்த  பிரான்ஸ்   வலியுறுத்தல் 

காசாமீது இஸ்ரேல் தாக்குதல்  தொடரும் நிலையில், போரை நிறுத்த பிரான்ஸ் நாடு வலியுறுத்தி உள்ளது.   இந்தப் போரில் அப்பாவி மக்கள் அதிக அளவில் கொல்லப் படுவதாக பிரான்ச கடந்த ஞாயிற்றுக் கிழமை வருத்தம் தெரிவித்த நிலையில், அந்நாட்டில் கவலையை பிரான்ஸ் நாட்டு  வெளியுறவுத் துறை அமைச்சர் கேத்தரின் கொலோனா இஸ்ரேலிடம் தெரிவித்தார். 

சுவீடன்  நாட்டில் புதிய விசா கட்டுப் பாடுகள் 

ஐரோப்பிய நாடுகளில் 27 நாடுகளுக்கு  பாஸ்போர்ட் இல்லாமல் ஷெங்கன்  விசா எனப்படும் ஒரே விசா முறை  நடைமுறையில் உள்ளது.  இதை சுவீடன் நாடும் அங்கீகரித்து  வந்தது.  இந்நிலையில் சுவீடெனில் தங்க விரும்புபவர்கள் தாங்களாகவே  வேலை தெடிக் கொள்ள வேண்டும் என்றும் ,   சுவீடன் நாட்டின் சட்டங்கள், கட்டுப்பாடுகள் மற்றும் சமூகக்  குறீயியீடுகளைக்  குறித்த புரிதல் இருக்க வேண்டுமென்பது கட்டாயம் என்றும், சுவீடிஷ் மொழயில் தேர்ச்சி  பெற்றவர்கள் மட்டுமே  இனி அனுமதிக்கப் படுவர் என்றும், சுவீடெனில் கல்வி கற்று,வேலையில் சேர்ந்து பணியாற்ற  அனைவருக்கும்  வாய்ப்பு வழங்கும் விதமாக  விசா திட்டங்கள் மாற்றப் படும் என்றும், சுவீடெனில் தொழிலாளர்  மற்றும் வேலைவாய்ப்புத்  துறை அறிவித்துள்ளது.

Sunday, Dec.17.2023

ஹோட்டலில் உணவு விநியோகிக்கும் பணியில் ரோபோ 

திருப்பூரில் உள்ள ஒரு தனியார் சொகுசு உணவகத்தில் வாடிக்கையாளர்களுக்கு உணவு விநியோகிக்கும் பணியில் முதல் முறையாக  ரோபோ பயன்படுத்தப் படுகிறது.  உணவகத்தில்  உள்ள சப்ளையர்கள்  வாடிக்கையாளர்களிடம் ஆர்டர் எடுத்து சமையல் செய்பவர்களிடம் வழங்கி, உணவு தயாரானதும் ரோபோவின் அமைக்கப்பட்டுள்ள அலமாரியில் வைக்கப் படுகிறது. ஆர்டர் செய்த வாடிக்கையாளர்களின் டேபிள் எண் ரோபோவில்  பதிவேற்றம் செய்யப்பட்டிருப்பதால், வாடிகையாளர்கள் டேபிள் எண்ணை  அழுத்தியதும் அங்கு ரோபோ உணவுகளை எடுத்துச் செல்கிறது 

Saturday, Dec.16 2023

துணிச்சலான நெஞ்சங்களுக்குத் தலை வணங்குகிறேன்-ஜனாதிபதி திரௌபதி முர்மு 

பாகிஸ்தானுடன் 1971ம் ஆண்டுப் போரில் இந்தியா வெற்றி பெற்ற தினம் ஆண்டு தோறும் வெற்றிகரமாகக்  கடை பிடிக்கப் படுகிறது. வெற்றி தினத்தை முன்னிட்டு இராணுவ முகாமில் டிசம்பர் 15ம் தேதி நடந்த  வரவேற்பு நிகழ்ச்சியில் ஜனாதிபதி திரௌபதி முர்மு கலந்து கொண்டார். இது குறித்து டிசம்பர் 16ம் தேதி அவர் வெளியிட்டுள்ள பதிவில்,1971 போரின் போது நமது ஆயுதப் படைகள் செய்த தன்னலமற்ற தியாகத்தை தேசம் நன்றியுடன் நினைவு கூறுகிறது. இணையற்ற துணிச்சலை வெளிப்படுத்தி வரலாற்றுச் சிறப்பு மிக்க வெற்றியைப் பெற்ற துணிச்சலான நெஞ்சங்களுக்கு வெற்றி தினம் அன்று தலை வணங்குகிறேன் என்று தெரிவித்துள்ளார்.  

ஈரான் செல்ல 33 நாடுகளுக்கு விசா தேவையில்லை 

 இந்தியா உட்பட 33 நாடுகளைச்  சேர்ந்த சுற்றுலாப் பயணிகளுக்கு ஈரான் நாட்டுக்கு சுற்றுலா வர விசா தேவையில்லை என டிசம்பர் 15ம் தேதி அந்நாட்டு அரசு அறிவித்தது. இது குறித்து ஈரான் சுற்றுலாத் துறை அமைச்சர் எஸதுல்லாஹ் சர்காமி கூறுகையில் ஈரானின் சுற்றுலாத் துறையை மேம்படுத்த பல்வேறு முயற்சிகள் மேற்கொள்ளப் பட்டு வருகின்றன  என்றும்,  இதன் ஒரு பகுதியாக இந்தியா உட்பட 33 நாடுகளை சேர்ந்த சுற்றுலாப் பயணிகளுக்கு ஈரான் வருவதற்கு விசா தேவையில்லை என அமைச்சரவைக் கூட்டத்தில் முடிவு செய்யப் பட்டுள்ளதாகவும் கூறினார். 

Friday, Dec.15 2023

இஸ்ரேல் தாக்குதலால் காஸாவில் இணைய  சேவை முடக்கம் 

ஹமாஸ் மீது இஸ்ரேல் நடத்தி வரும் தாக்குதல் ஏறக்குறைய இரண்டரை மாதங்களாக நடந்து வருகிறது. காஸாவின் வடக்கு , மத்திய  மற்றும் தெற்கு காசா என அனைத்துப் பகுதிகளிலும் இஸ்ரேலின் தாக்குதல் அதிகரித்து வரும் நிலையில் காஸாவில் மீண்டும் இணைய சேவை துண்டிக்கப்பட்டுள்ளது என்றும், காசாவில் அரசாங்க ஊடக அலுவலக  தகவல் தொடர்பு முடக்கப் பட்டதால், பலியான மக்கள் மற்றும் காயம் அடைந்தவர்களை அடையாளம் காண்பது கடினமாக இருக்கும் என்றும்  பாலஸ்தீன தொலைத்த தொடரபு நிறுவனங்கள் கூறியுள்ளன 

Thursday Dec.14.2023

ஒடிசாவில் ஐந்து ரூபாய் கட்டணத்தில் அதி நவீன பேருந்துப் பயணம் 

ஒடிசா மாநில முதல்வர் நவீன்  பட்நாயக், மலிவு விலை கட்டணத்தில் அதி நவீன பேருந்து சேவையை முதற்கட்டமாக ஒடிசாவில் கோரபத்    மாவட்டத்தில்  அறிமுகம் செய்துள்ளார். கிராமப்புறங்களில்  இருந்து மாவட்டத்தின் தலைநகருக்கு செல்ல விரும்பும் பெண்கள் மாணவர்கள் , மற்றும் மாற்றுத் திறனாளிகள் ஐந்து ரூபாய் கட்டணத்தில்இந்த பேருந்து சேவையை  பயன்படுத்திக் கொள்ள முடியும். முதற்கட்டமாக ஆறு மாவட்டங்களில்   234 கிராமப் பஞ்சாயத்துகளைச்  சேர்ந்த  மக்கள் இந்தத் திட்டத்தின் மூலம் பயனடைவார்கள் என்று முதல்வர் நவீன் பட்நாயக் கூறியுள்ளார். 

சர்வதேச திரைப்பட விழாவில்  தேர்வான கொட்டுக்காளி  திரைப்படம் 

நடிகர் சூரி கதாநாயகனாக நடித்த சிவா கார்த்திகேயன் ப்ரொடக்க்ஷன்ஸ்  மற்றும் தி லிட்டில் வேவ் ப்ரொடக்க்ஷன்ஸ் இணைந்து தயாரித்த கொட்டுக்காளி   திரைப்படம் எழுபத்தி நான்காவது பெர்லின் சர்வதேச திரைப்பட விழாவில் தேர்வாகியுள்ளது. இதன் மூலம் பெர்லின் சர்வதசே திரைப்பட விழாவில் தேர்வான முதல் தமிழ்திரைப்  படம் என்ற பெருமையை கொட்டுக்காளி திரைப்படம்  பெற்றுள்ளது.

Wednesday, Dec.13 2023

காஸாவில் உடனடி போர் நிறுத்தத்துக்கு ஆதரவாக வாக்களித்தது இந்தியா 

காசா மீதான இஸ்ரேலின்  தாக்குதல்  இரண்டு மாதத்துக்கும் மேலாக நடந்து வருகிறது. இந்நிலையில், காசாவில் உடனடியாக  மனிதாபிமானப்  போர் நிறுத்தம் கோரி, பொது மக்களின் பாதுகாப்பு மற்றும் சட்ட  மற்றும் மனிதாபிமான கடமைகளை நிலை நிறுத்துதல் என்ற தீர்மமானத்தை ஐக்கிய நாடுகள் பொது சபை ஏற்றுக்கொண்டது. இதைத் தொடர்ந்து மத்திய கிழக்கிற்கான ஐக்கியநாடுகளின் பொதுச்சபை  அவசர அமர்வில் இந்தியா போர் நிறுத்தத்  தீர்மானத்துக்கு ஆதரவாக வாக்களித்தது.

போலந்து நாடு பிரதமராக டொனால்ட் டஸ்க் பதவியேற்பு 

போலந்தில் கடந்த அக்டோபர் மாதம் 15ம் தேதி நடை பெற்ற பொதுத் தேத்தலில் எந்த ஒரு கட்சிக்கும் பெரும்பான்மை கிடைக்கவில்லை. இதனால் மத்தியவாதக் கட்சித்  தலைவர் டொனால்டு டஸ்க் தலைமையில் அரசு அமைக்க கோரிக்கை எழுந்தது. இந்நிலையில்  டிசம்பர் 12ம் தேதி செவ்வாய்கிழமை நடைபெற்ற நம்பிக்கை வாக்கெடுப்பில் டொனால்டு டஸ்க் தலைமையிலான அரசுக்கு ஆதரவு கிடைத்து வெற்றி பெற்றதால் இன்று  13ம் தேதி புதன் கிழமை நடந்த பதவியேற்பு விழாவில் டொனால்டு டஸ்க் பிரதமராகப் பதவியேற்றார்.