CINEMA

LIK படத்தின் 'பட்டுமா' பாடல் வெளியானது 

நடிகர் பிரதீப் ரங்கநாதன் நடித்துள்ள திரைப்படம் LIK .  இதில் கீர்த்தி ஷெட்டி, சீமா, சுஜி சூர்யா உட்பட  பலர் நடித்துள்ளனர்.  விக்னேஷ்சிவன் இயக்கி உள்ள இந்தப் படம் அடுத்தமாதம் `18ம் தேதி வெளியாகிறது. அனிருத் இசை அமைத்துள்ள இந்தத் திரைப்படத்தின் இரண்டாவது பாடலான 'பட்டுமா' பாடல் 27ம் தேதி வியாழன் மாலை  வெளியானது. இந்தப் பாடலை இயக்குனர் விக்னேஷ்சிவன் எழுதி இருக்கிறார். 

நடிகர் அஜித்தின் 64வது திரைப்படம் பிப்ரவரியில் தொடக்கம் 

 நடிகர் அஜித் நடிப்பில் இறுதியாக வெளியான படம் குட் பேட் உஃலி . ஆதிக் ரவிச்சந்திரன் இயக்கிய இந்தத்திரைப்படத்துக்குப் பிறகு, அஜித் நடிக்கும் அடுத்த படத்தையும்    ஆதிக்  ரவிச்சந்திரனே இயக்க உள்ளார்.  இது அஜித்தின் 64வது திரைப்படமாகும். இந்தப் புதிய திரைப்படத்தின் படப்பிடிப்பு வரும் பெப்ரவரி மாதம் தொடங்கும் என்றும், இது மிகவும்  சிறப்பான   படமாக இருக்கும் என்றும் இயக்குனர்  ஆதிக் ரவிச்சந்திரன் தெரிவித்துள்ளார்.  

மலேசியாவில் நடைபெறும் ஜனநாயகம்  திரைப்படத்தின் இசை வெளியீட்டு விழா 

விஜய் நடிக்கும் ஜனநாயகன் திரைப்படம் வரும் ஜனவரி மாதம் பொங்கலுக்கு வெளியாகிறது.   இந்தப் படத்தில் பூஜா ஹெக்டே ,  மமிதா பைஜூ,  பாபி தியோல் உட்பட பலர் நடித்துள்ளனர். அனிருத் இசை அமைத்துள்ளார்.  இந்தப் படத்தின் முதல் பாடலான  'தளபதி கச்சேரி' என்ற பாடல் அண்மையில் வெளியிடப்பட்டது. இந்நிலையில் ஜனநாயகன் திரைப்படத்தின் இசை வெளியீட்டு விழா வரும் டிசம்பர் 27ம் தேதி மலேசியாவில் நடை பெற உள்ளதாக படக்குழு அறிவித்துள்ளது. 

கோவாவில  20ம் தேதி இந்திய சர்வதேச திரைப்பட விழா தொடக்கம் . 

ஒவ்வொரு ஆண்டும் கோவாவில் நடைபெற்று வரும் இந்திய சர்வதேச திரைப்பட விழா வின் 56வது திரைப்பட விழா 20ம் தேதி கோவாவில் தொடங்கி வரும் 28ம் தேதி வரை நடை பெறுகிறது.  இந்த விழாவில் 81 நாடுகளைச் சேர்ந்த சுமார் 240  திரைப்படங்கள் திரையிடப் பட உள்ளன.  இந்தத் திரைப்பட விழாவில் முதன்மையான திரைப்படக் கலைஞர்கள் கவுரவிக்கப் படுகிறார்கள் குறிப்பாக திரை உலகில்  50 ஆண்டுகளை நிறைவு செய்த நடிகர் ரஜினிகாந்த் கவுரவிக்கப் படுகிறார்.  

'மை லார்ட்'  திரைப்படத்தின் முதல் பாடல் வெளியானது. 

ராஜீவ் முருகன் இயக்கத்தில் நடிகர் சசி குமார் நடித்து வரும் திரைப் படம் மை லார்ட் ஒலிம்பியா மூவிஸ் தயாரிக்கும் இந்தப் படத்திற்கு ஷான் ரோல்டன் இசை அமைத்துள்ளார்.  இந்தப் படத்தின் முதல் பாடலான "எச காத்தா" என்ற பாடல் வெளியானது. இந்தப் பாடலை நடிகர் விஜய் சேதுபதி வெளியிட்டார்

 டாம் க்ரூஸுக்கு (Tom Cruise) கவுரவ ஆஸ்கர் விருது 

Mission Impossible படத்தின் மூலம் கோடிக்கணக்கான ரசிகர்கள் மனதில் இடம் பிடித்தவர் டாம் க்ரூஸ் (Tom Cruise). இவர் நடிகர் மற்றும் தயாரிப்பாளர்.  திரைத் துறையில் இவர் ஆற்றிய பங்களிப்பிற்காக Academy of Motion Picture Arts and Sciences அமைப்பு இவருக்கு கவுரவ ஆஸ்கர் விருது அறிவித்திருந்தது. இந்நிலையில் லாஸ் ஏஞ்செல்ஸில் நடந்த நிகழ்ச்சியில் டாம் க்ரூஸுக்கு இந்த விருது வழங்கப் பட்டது 

"Friends" re-release: விஜயின் "பிரெண்ட்ஸ்" திரைப்படம்

 25 ஆண்டுகளுக்குப் பின் ரீ ரிலீசாகும் பிரெண்ட்ஸ் திரைப்படம். விஜய், சூர்யா, தேவயானி, வடிவேலு, ரமேஷ் கண்ணா உள்ளிட்டோர் நடிப்பில் கடந்த 2001ம் ஆண்டு வெளியான படம் பிரெண்ட்ஸ். சித்திக் இயக்கத்தில் உருவான இந்தத் திரைப்படம் மிகப் பெரிய வெற்றி அடைந்தது.  இந்நிலையில் இந்த படத்தின் மறு வெளியீடு ட்ரைலர் 17ம் தேதி திங்கட்கிழமை வெளியாகிறது. இந்நிலையில் இந்தத் திரைப்படம் வரும் 21ம் தேதி மறுவெளியீடு செய்யப்படுவதாக அறிவிக்கப்பட்டுள்ளது.

  Avatar: Fire and Ash  படத்தின் போஸ்டர் வெளியீடு 

கடந்த 2009ம் ஆண்டு டிசம்பர் மாதம்  ஜேம்ஸ் கேமரூன் இயக்கத்தில் வெளியான அவதார் திரைப்படம் மிகப் பெரிய வெற்றி அடைந்ததை அடுத்து  13 ஆண்டுகளுக்குப் பின்னார், அதன் இரண்டாம் பாகமான " Avatar: The Way of Water"  என்ற பெயரில் தயாராகி தமிழ் மலையாளம், தெலுங்கு உள்ளிட்ட பல்வேறு  மொழிகளில் வெளியிடப் பட்டது.  இரண்டாம் பாகமும் மிகப் பெரிய வெற்றி அடைந்ததை அடுத்து, இதன் மூன்றாம் பாகம் " Avatar: Fire and Ash"  என்ற பெயரில் வரும் டிசம்பர் 19ம் தேதி வெளியாகிறது.  சமீபத்தில் இதன் ட்ரைலர் வெளியான நிலையில் தற்போது இதன் புதிய போஸ்டர் வெளியாகி உள்ளது. 

14ம் தேதி வெள்ளிக்கிழமை வெளியாகும் திரைப் படங்கள்

நவம்பர் 14ம் தேதி வெள்ளிக்கிழமை   5 திரைப் படங்கள் வெளியாகிறது.  அந்த வகையில் நடிகர்  துல்கர் சல்மான் நடித்து செவமணி செல்வராஜ் இயக்கத்தில் உருவான காந்தா, எ.ஸ்.முகுந்த்தன் இயக்கத்தில் ஆனந்தராஜ் சம்யுக்தா உள்ளிட்டோர் நடித்த மெட்றாஸ் மாபியா கம்பெனி,   நடிகர் சேரன் தயாரித்து 2004ம் ஆண்டு வெளியான ஆட்டோகிராப் ரீ ரிலீஸ், ஹரி குமார் இயக்கத்தில் விவேக் பிரசன்னா மற்றும் பலர் நடித்த கிணறு திரைப்படம்,  மற்றும் பிரசாந்த் ராமன் இயக்கத்தில் லிங்கா நடித்த தாவூத் ஆகிய 5 திரைப் படங்கள் வெளியாகிறது.  

 உலக திரைப்பட விழாக்களில் வரவேற்பைப் பெற்ற "மாண்பு மிகு பறை" திரைப்படம் 

லியோ சிவகுமார் நடித்து, ஸ் விஜய் சுகுமார் இயக்கத்தில் உருவான "மாண்புமிகு பறை" என்ற திரைப்படம் கேன்ஸ் திரைப்பட  விழாவில் கடந்த மே மாதம் திரையிடப்பட்டது.   அப்போது   சர்வதேச அளவில் அனைவரின் கவனத்தை இந்தத் திரைப்படம் ஈர்த்தது. பறை என்ற தொன்மை வாய்ந்த இசைக் கருவியை மையமாகக் கொண்டு எடுக்கப் பட்ட இந்தத் திரைப்படம் மீண்டும் இம்மாதம் கேன்ஸ் திரைப்பட  விழாவில்  கலந்து கொண்டு சிறந்த சமூக நீதிக்கான திரைப்படம் என்ற பிரிவில் தேர்வாகி உள்ளது. 

" ஆரோமலே" திரைப்பட ஸ்னீக்பீக் வீடியோ வெளியீடு

 கிஷன் தாஸ் மற்றும் ஹர்ஷத் கான் நடித்துள்ளஆரோமலே திரைப்படம் இம்மாதம் 7 ம் தேதி வெளியானது. சாரங் தியாகு இயக்கத்தில் உருவான  இந்தத் திரைப் படத்திற்கு சித்து குமார் இசை அமைத்துள்ளார். இந்தப்படம் வெளியாகி 4 நாட்களில் இரண்டரை கோடி ரூபாய் வசூல் செய்துள்ளதாக தகவல் வெளியாகி உள்ளது. இந்நிலையில் இந்த ஆறாமலே திரைப் படத்தின் ஸ்னீக்பீக் வீடியோவை இதன் படக் குழு வெளியிட்டுள்ளது. 

கவின் நடிக்கும் மாஸ்க் திரைப்படத்தின் ட்ரைலெர்வெளியீடு 

நடிகர் கவின் நடித்துள்ள திரைப்படம் மாஸ்க். அறிமுக இயக்குனர் விகர்ணன் அசோக் இயக்கத்தில் உருவாகி இருக்கும் திரைப்படத்தில் ஆண்ட்ரியா, சார்லி, பாலா சரவணன் உட்பட பலர் நடித்துள்ளனர்.  கி.வ.பிரகாஷ் இசை அமைத்துள்ளார்.  இந்தத் திரைப்படம் இம்மாதம் 21ம் தேதி வெளியாகிறது.  இந்தத் திரைப்படத்தின் ட்ரைலெர் இன்று வெளியிடப் பட்டது. 

இந்திய சர்வதேச திரைப்பட விழா விருதுக்கு அமரன் திறப்பிடம் பரிந்துரை 

56 வது இந்திய சர்வ்தேச திரைப்பட விழா கோவாவில் இம்மாதம் 20ம் தேதி முதல் 28ம் தேதி வரை நடை பெற உள்ளது. இந்த விழாவில் பல்வேறு நாடுகளைச் சேர்ந்த சுமார்  240 திரைப்படங்கள் திரையிடப்பட உள்ளன.  இந்நிலையில் இந்த விழாவில் நடை பெறும் சர்வதேச போட்டியின் கீழ் தங்க மயில் விருதுக்கு நடிகர் சிவ கார்த்திகேயன் நடித்த அமரன் திரைப்படம் பரிந்துரைக்கப் பட்டுள்ளது.  மறைந்த ராணுவ வீரர் மேஜர் முகுந்த் வரத ராஜனின் வாழ்க்கையை விவரிக்கும் இந்தத் திரைப்படம் மிகப் பெரிய வெற்றியடைந்த திரைப்படமாகும் 

ஆட்டோகிராப் திரைப்படம் டிஜிட்டல் முறையில் மீண்டும் வெளியீடு - புதிய ட்ரெய்லர் வெளியீடு 

நாடுகள் சேரன் தயாரித்து இயக்கிய திரைப்படம்  ஆட்டோகிராப். இந்தத் திரைப்படம் 21ஆண்டுகளுக்குப் பிறகு  டிஜிட்டல்முறையில்  மீண்டும் வரும் 14  ம்தேதி  திரையயரங்குகளில் வெளியாக உள்ளதாக  சேரன் தெரிவித்துள்ளார்.  இந்த மறு வெளியீட்டை முன்னிட்டு  ஆட்டோகிராப் படத்தின் திட்டிகிட்டாள் மயமாக்கப் பட்ட  புதிய  ட்ரெய்லர்  6ம் தேதி வியாழக்கிழமை  வெளியிடப் பட்டது. 

40 ஆண்டுகளுக்குப் பிறகு சினிமாவில் மீண்டும் இணையும் கமல் ரஜினி 

இயக்குனர் சுந்தர் c  இயக்கும் படத்தை கமல்ஹாசன் தயாரிக்க உள்ளதாகவும்,  இதில் ரஜினிகாந்த் நடிக்க உள்ளதாகவும் அறிவிக்கப் பட்டுள்ளது.  இந்தப் படம் 2027ம் ஆண்டு பொங்கலுக்கு வெளியாகும் எனத் தெரிவிக்கப்ப் பட்டுள்ளது.   இந்தத் திரைப்படம் ரஜினிக்கு 173வது திரைப்படமாகும்.  கடந்த 1985ம் ஆண்டு வெளியான ராஃட்டார் என்ற ஹிந்தி திரைப்படத்தில் கமல் மற்றும் ரஜினி இணைந்து நடித்திருந்தனர்.  இப்போது நாற்பது ஆண்டுகளுக்குப் பிறகு சினிமாவில் மீண்டும் இருவரும் இணைகின்றனர். 

நடிகர் துல்கர் சல்மானின் காந்தா திரைப்பட ட்ரைலர் வெளியீடு 

நடிகர் துல்கர் சல்மான்  இயக்குனர் செல்வமணி செல்வராஜ் இயக்கத்தில் நடித்துள்ள திரைப்படம் காந்தா. இந்தப் படத்தில் சமுத்திரக்கனி , ராணா, ரகுபதி பாக்கியஸ்ரீ போஸ் ஆகியோர் முக்கிய கதாபாத்திரங்களில் நடித்துள்ளனர்.  இந்தத் திரைப்படம் இம்மாதம் 14ம் தேதி வெளியாகவுள்ளது. இந்நிலையில் இந்தத் திரைப்படத்தின் ட்ரைலர் 4ம் தேதி செவ்வாய்க் கிழமை வெளியிடப் பட்டது